На досвiтку

Источник материала:

10 студзеня а палове 8-ай ранiцы ў Бялынiцкiм раёне паблiзу Вiшова "лоб у лоб" сутыкнулiся два легкавыя аўтамабiлi. Удар быў такiм моцным, што ў адной з машын выбiла рухавiк, а аўтамабiлi далёка раскiнула на дарозе. Дзякуючы падушкам бяспекi 43-гадовая жанчына, якая была за рулём "Сеата", засталася жывая i з траўмамi шпiталiзавана ў бальнiцу. А 38-гадовы мужчына з "Опеля" загiнуў на месцы — удар трапiў у бок вадзiцеля. Яго жонка, якая ехала пасажыркай у аўтамабiлi, не пацярпела.

У Магiлёўскай абласной ДАІ паведамiлi папярэднюю версiю здарэння: паводле яе, "Сеат" выехаў на сустрэчную паласу для абгону, i вадзiцель не справiлася з кiраваннем. Верагодна, што аўтамабiль занесла на зiмовай дарозе. Вядзецца праверка здарэння.

11 студзеня ў гарадскiм пасёлку Глуск ахвярамi ДТЗ сталi два пешаходы, якiя ўдзень рухалiся па ўзбочыне дарогi. 30-гадовы мясцовы жыхар, якi кiраваў аўтамабiлем "БМВ", пайшоў на абгон, не справiўся з кiраваннем i наехаў да двух мужчын, якiя iшлi па сустрэчнай узбочыне. Рабочыя мясцовага жылкамунгаса, узростам 50-цi i 58-мi гадоў, загiнулi на месцы. У дачыненнi да вадзiцеля распачата крымiнальная справа.

Пры спыненнi матацыклаў вадзiцелi, у сваю чаргу, паспрабавалi кiнуць свой транспарт, да багажнiкаў якога былi прывязаны мяхi з грузам. Аднаму з парушальнiкаў удалося збегчы, другога затрымалi. Iм быў ляснiк Палескага лясгаса. У мяхах жа, што перавозiлi матацыклiсты, выяўлена мяса разабранага дзiка. Яно i паляўнiчае ружжо IЖ-27 канфiскаваныя. Затрыманы дастаўлены ў аддзяленне мiлiцыi.

Жыхарку в. Пелiшча Камянецкага раёна, якую нажом у жывот ударыў сужыцель падчас п’янкi, напаткаў цяжкi стан, а ў в. Лепесы Кобрынскага раёна пацярпеў мужчына ад сваёй жонкi, якая ткнула мужа кухонным нажом пасля выпiўкi.

У вобласцi праведзена спецыяльная праграма "Допiнг". У дачыненнi да медсястры-анэстэзiста рэанiмацыйнага аддзялення Мазырскай цэнтральнай бальнiцы ўзбуджана крымiнальная справа па факце крадзяжу ёю псiхатропных рэчываў рэланiуму i дыязепаму. Таксама выяўлены факт i ўзбуджана крымiнальная справа ў дачыненнi да санiтаркi хуткай медыцынскай дапамогi гарадскога пасёлка Касцюкоўка — яна збывала марфiн.

Што датычыцца супрацьдзеяння гандлю людзьмi, у 2008 годзе выяўлена 67 злачынстваў, з якiх 35 адносяцца да катэгорыi цяжкiх i асаблiва цяжкiх. Супрацоўнiкамi органаў унутраных спраў Гомельскай вобласцi ўстаноўлена i перакрыта 9 каналаў вывазу грамадзян нашай краiны за межы рэспублiкi.

Як паведамiлi карэспандэнту "Звязды" ў прэс-службе КДК, разам з супрацоўнiкамi памежнай службы аператыўнiкi фiнансавай мiлiцыi ў вёсцы Тамашоўка затрымалi мiкрааўтобус "Форд" з тканiнай i бытавой тэхнiкай: кантрабанда загружалася ў машыну з гаража. Непасрэдна ў памяшканнi гаража былi знойдзены iмпартныя пральныя машыны, газавыя плiты, тэлевiзары, камп’ютары, а таксама аўтамабiль "Фольксваген-Пасат" без дзяржнумароў, загружаны аналагiчным таварам. Падчас гэтай аперацыi было канфiскавана больш за 100 найменняў тавараў, кошт якiх перавышае 200 мiльёнаў рублёў. А напярэдаднi святаў у гэтай жа вёсцы супрацоўнiкi фiнансавай мiлiцыi ў гаспадарчай пабудове мясцовай жыхаркi знайшлi кантрабандную гарэлку i цыгарэты, кошт якiх склаў каля 50 мiльёнаў рублёў.

9 студзеня а палове першай гадзiны ўначы на вулiцы Будаўнiкоў два хлопцы спынiлi дзвюх работнiц завода "Строммашына", 39 i 52 гадоў, якiя вярталiся дадому з вечаровай змены. Маладыя людзi пагражалi iм нажом i адабралi дзве сумачкi, дзе былi банкаўская картка, невялiкая сума грошай, жаночая касметыка i кiшэнны лiхтарык.

Мiлiцыя хутка затрымала падазроных. Сабака Мухтар узяў след на месцы здарэння, вывеў групу затрымання ў двор дома i хутка нагнаў хлопцаў, якiя кiнулiся ўцякаць. Непадалёк быў знойдзены i нож. Сабака Рэкс вывеў iншую групу мiлiцыi да гаражнай забудовы. Там на даху аднаго з гаражоў знаходзiўся чорны пакунак, дзе былi дзве сумачкi з кашалькамi пацярпелых жанчын.

Падазроным ва ўчыненнi разбойнага нападу — 15 i 17 гадоў. Адзiн з iх — вучань сярэдняй школы Вiцебска, якi ў Магiлёве гасцяваў у сваякоў. Другi — навучэнец адной з магiлёўскiх школ. Абодва затрыманы. Распачата крымiнальная справа.

А то ўкрадуць. Так было, напрыклад, з жыхаром Мазыра, якi мае дачу ў Калiнкавiцкiм раёне. Калi ў чарговы раз ён наведаўся туды, то выявiў, што знiкла яго паляўнiчае ружжо, два такiя ж нажы, 24 патроны, радыёпрыёмнiк, трохлiтровы слоiк мёду i тры вудзiльны.