Збiралi вяршкi з БЕЛАРУСЬКАЛІЯ

Источник материала:

Больш за тое, як высветлiлася, у пагонi за "наварам" падазроныя адказныя асобы РУП "Беларуськалiй", кiраўнiкi камерцыйных структур нашай краiны, а таксама шэрагу расiйскiх i ўкраiнскiх вытворчых прадпрыемстваў, што ўваходзiлi ў склад злачыннай групы, у асобным выпадку сваiмi дзеяннямi стварылi нават небяспечныя ўмовы працы для работнiкаў прадпрыемства.

Як паведамiў намеснiк начальнiка ўпраўлення iнфармацыi i грамадскiх сувязяў МУС Беларусi Алег Слепчанка, пачалося ўсё ў 2005-м i працягвалася па жнiвень мiнулага года: падазроныя ўчынялi крадзеж грашовых сродкаў, фальсiфiкуючы тэндарныя дакументы i арганiзуючы пастаўкi абсталявання i матэрыялаў па неабгрунтавана завышаным кошце. У прыватнасцi, у леташнiм сакавiку да ўдзелу ў тэндары былi дапушчаны толькi падкантрольныя зламыснiкам камерцыйныя структуры. Апошнiя, папярэдне змовiўшыся з некаторымi членамi тэндарнай камiсii, падалi фiктыўныя дакументы на электрарухавiкi, цана якiх была завышаная на 50 працэнтаў. Пераможцам тэндара было прызнана ТАА "Гандлёвы дом "Электрамашына", хоць у iншага прадпрыемства прапанова была значна больш выгадная. Аднак РУП "Беларуськалiй" заключыла дагавор на заведама нявыгадных для сябе ўмовах на пастаўку электрарухавiкоў на суму звыш 4,6 мiльярда рублёў. Урон прадпрыемству склаў 1,4 мiльярда рублёў: адпускны кошт закупленай прадукцыi на заводзе-вытворцы складаў 3,2 мiльярда.

Пры правядзеннi тэндара ў лютым-сакавiку 2008 па закупцы камплектных трансфарматарных падстанцый выбухованебяспечнага тыпу была выкарыстана падобная вышэйзгаданая схема, якая нанесла ўрон прадпрыемству больш як на 6 мiльярдаў рублёў. Якраз у гэтым выпадку, як высветлiлася, бяспека людзей менш за ўсё турбавала "бiзнэсменаў": закупленыя трансфарматарныя падстанцыi былi выраблены не на заводзе, мелi дэфекты i не прайшлi выпрабаваннi. Гэта, як мяркуюць кампетэнтныя спецыялiсты, магло прывесцi да надзвычайных здарэнняў i немiнуча пацягнуць значныя чалавечыя ахвяры.

Знойдзена i канфiскавана каля 400 тысяч расiйскiх рублёў, 72 мiльёны беларускiх рублёў, 20 тысяч долараў ЗША. Акрамя таго, арыштавана значная колькасць аб’ектаў нерухомасцi i дарагiх аўтамашын, што належалi падазроным. Паводле звестак Галоўнага ўпраўлення па барацьбе з арганiзаванай злачыннасцю МУС, акрамя затрыманых членаў арганiзаванай злачыннай групы, у супрацьпраўную дзейнасць вакол "Беларуськалiя" ўцягнута дастаткова вялiкая колькасць людзей. Генпракуратура вядзе следства.