Экспарцёры атрымалі дазвол на авансавыя плацяжы

Источник материала:

Як патлумачыў карэспандэнту "Звязды" прэс-сакратар Нацбанка Мiхаiл Журавовiч, адпаведнае рашэнне прынятае, каб не дапусцiць наступлення негатыўных эканамiчных наступстваў для экспарцёраў, якiя з’яўляюцца адначасова iмпарцёрамi, закупляючы на ўмовах авансавых плацяжоў сыравiну — матэрыялы, камплектавыя часткi, тэхналагiчнае абсталяванне i г.д., для забеспячэння вытворчасцi экспартна-арыентаванай прадукцыi, якая карыстаецца попытам. Гэтае рашэнне датычыцца толькi авансавых плацяжоў, што праводзяцца за кошт выручкi ў замежнай валюце, перш за ўсё экспартнай выручкi, i не змяняе парадак правядзення iмпарцёрамi авансавых плацяжоў за кошт пазыковых (крэдытных) сродкаў i за кошт купленай на ўнутраным валютным рынку замежнай валюты.

У мiнiстэрства лясной гаспадаркi засталося два адмiнiстрацыйныя будынкi ў Мiнску з газавым ацяпленнем. Астатнiя аб’екты гарадской iнфраструктуры пераведзеныя на ацяпленне мясцовымi вiдамi палiва. Як паведамiў мiнiстр лясной гаспадаркi Беларусi Пётр Сямашка, мэтавы паказчык энергазберажэння ў 2008 годзе мiнiстэрства перавыканала.

У маладых жанчын з нiзкiм узроўнем вiтамiну Д у плазме павышаецца рызыка развiцця артэрыяльнай гiпертэнзii. У эксперыменце замежных вучоных узялi ўдзел жанчыны ва ўзросце 32—52 гадоў. Было ўстаноўлена, што ў тых з iх, у каго на працягу пэўнага перыяду назiранняў развiлася артэрыяльная гiпертэнзiя, узроўнi актыўных метабалiтаў вiтамiну Д у плазме былi нiжэйшымi. Ад гiпертанii — усiмi сiламi.