Цуд на Гудзоне

26.08.2009 10:44 — |

Размер текста:: A; A; A

Источник материала:

Цуд на Гудзоне

Аэробус A320 авiякампанii US Airways вылецеў з аэрапорта "Ла Гуардзiа". Праз хвiлiну пасля ўзлёту пiлот Чэслi Б. Саленбергер паведамiў дыспетчарам аб сутыкненнi з птушкамi, што прывяло да пашкоджання двух рухавiкоў. Атрымаўшы каманду вяртацца, пiлот прыняў рашэнне сесцi ў аэрапорце ў Нью-Джэрсi, пасля чаго сувязь з самалётам перарвалася. Неўзабаве пасля гэтага лайнер сеў на ваду ў Гудзонскiм залiве. На борце аэробуса знаходзiлiся 155 чалавек, многiя з iх былi шпiталiзаваныя пасля аварыi з пераахаладжэннем, але загiнулых няма, толькi некалькi чалавек атрымалi невялiкiя траўмы. Улады штата вынеслi пiлоту самалёта падзяку за бездакорную працу. Вынiк гэтай драмы ўжо ахрысцiлi "цудам на Гудзоне".

Заходнi бераг блакаваны
Ізраiльскае войска ў ноч на пятнiцу, 16 студзеня, блакавала Заходнi бераг ракi Iардан. У афiцыйнай заяве кiраўнiцтва ўзброеных сiлаў гаворыцца, што рэгiён блакаваны на двое сутак з пятнiцы.

Заява рушыла ўслед за паведамленнем ад кiраўнiцтва групоўкi ХАМАС, якое абвясцiла пятнiцу "днём гневу" i заклiкала мусульман выйсцi на антыiзраiльскiя дэманстрацыi. Падчас дэманстрацый у Хеўроне натоўп падлеткаў пачаў шпурляць камянi ў iзраiльскiх салдатаў, вайскоўцы адкрылi агонь, у вынiку чаго быў застрэлены 15-гадовы ўдзельнiк дэманстрацыi.

Прыбалтыка: беспарадкi заразныя
Учора ў Вiльнюсе беспарадкамi абярнулася агульнанацыянальная акцыя пратэсту, якая праходзiла на плошчы Незалежнасцi ў сталiцы Лiтвы, удзельнiкi якой выступалi супраць антыкрызiсных мераў, прынятых уладамi.

Мiтынгоўцы дэманстравалi крайнюю незадаволенасць. Будынак парламента закiдвалi снежкамi i яйкамi, а таксама камянямi. Некаторыя спрабавалi прарвацца ў будынак парламента. Натоўп, сярод якога было шмат нецвярозых, разбураў ларкi, машыны, агароджы. У шматлiкiх удзельнiкаў беспарадкаў былi марлевыя павязкi i процiвагазы. Палiцыя i спецслужбы разганялi дэманстрантаў пры дапамозе гумавых куль, слёзацечнага газу i дубiнак. У выбiтыя вокны Сейма пратэстанты закiдвалi бутэлькi з запальнай сумессю. Арганiзатар акцыi — Канфедэрацыя прафсаюзаў Лiтвы, якая спадзявалася, што акцыя пройдзе мiрна, — перастала кантраляваць сiтуацыю. Па розных адзнаках, у акцыi пратэсту ўзялi ўдзел ад 3 да 7 тысяч чалавек.

IЛы не размiнулiся
У вынiку сутыкнення двух транспартных самалётаў IЛ-76 у аэрапорце Махачкалы загiнулi чатыры чалавекi.

Два самалёты BK-76, якiя належаць унутраным войскам РФ, сутыкнулiся 15 студзеня ў 20.45 на ўзлётна-пасадкавай паласе. Самалёт з бартавым нумарам 76827 пасля прызямлення крылом закрануў самалёт з бартавым нумарам 76825, якi здзяйсняў манеўр для ўзлёту. Абодва паветраныя судны пасля сутыкнення загарэлiся, пажар быў патушаны праз гадзiну. У якасцi асноўнай версii сутыкнення следства разглядае памылку экiпажа.

Цярпенне ЕС заканчваецца
Перамовы памiж Расiяй i Украiнай у найблiжэйшыя выхадныя — апошнi шанц для абодвух бакоў паказаць, што яны настроены сур’ёзна i хочуць вырашыць газавы канфлiкт. Аб гэтым заявiлi ў Еўракамiсii.

17 студзеня ў Маскве павiнна адбыцца сустрэча ўсiх зацiкаўленых бакоў, у тым лiку i спажыўцоў расiйскага палiва. Чакаецца, што менавiта на ёй могуць быць прынятыя рашэннi, якiя дазволяць аднавiць транзiт газу праз Украiну ў Еўропу. У Еўракамiсii лiчаць, што калi бакi не дамовяцца, чыноўнiкi ЕС пачнуць разглядаць адносiны з Украiнай i Расiяй i высвятляць, цi змогуць еўрапейскiя краiны весцi бiзнэс з партнёрамi, якiя дыскрэдытавалi сябе. Спыненне транзiту газу прывяло да складанасцяў у забеспячэннi палiвам прыблiзна 20 краiн Еўропы. Пры гэтым ЕС пакуль устрымлiваецца ад ацэнак газавага канфлiкту, выключэннем стаў толькi прэм’ер-мiнiстр Польшчы Дональд Туск, якi абвiнавацiў ва ўсiм выключна Расiю. Газ у Еўропу транзiтам праз Украiну не паступае з 7 студзеня. Мiж тым, мэр Кiева Леанiд Чарнавецкi прыгразiў адключыць каналiзацыю ў сталiчным будынку "Нафтагаза Украiны". На такiя меры ён гатовы пайсцi, калi гораду будзе спынена падача газу.