Дэкрэт Прэзiдэнта Рэспублiкi Беларусь № 2 Аб стымуляваннi работнiкаў арганiзацый галiн эканомiкi

Источник материала:

У адпаведнасцi з часткай трэцяй артыкула 101 Канстытуцыi Рэспублiкi Беларусь пастанаўляю:

1. Устанавiць, што:

1.1. агульная сума сродкаў, што накiроўваюцца на выплату прэмiй за вытворчыя вынiкi i надбавак усiх вiдаў (далей — стымулюючыя выплаты), якiя выплачваюцца работнiкам арганiзацый галiн эканомiкi незалежна ад форм уласнасцi, акрамя арганiзацый, што фiнансуюцца з бюджэту i карыстаюцца дзяржаўнымi датацыямi, i адносяцца на сабекошт прадукцыi, тавараў (работ, паслуг), уключаецца ў затраты, якiя ўлiчваюцца пры падаткаабкладаннi i цэнаўтварэннi, у межах 80 працэнтаў сумы заработнай платы, вылiчанай па здзельных расцэнках, а таксама тарыфных стаўках i службовых акладах з улiкам павышэнняў, прадугледжаных заканадаўствам, у разлiку на аднаго работнiка за фактычна адпрацаваны час у справаздачным перыядзе па арганiзацыi ў цэлым (далей — нарматыў), калi iншае не ўстаноўлена Прэзiдэнтам Рэспублiкi Беларусь;

1.2. у арганiзацыях, названых у падпункце 1.1 гэтага пункта, якiя забяспечылi па вынiках папярэдняга года рэнтабельнасць рэалiзаванай прадукцыi, тавараў (работ, паслуг) на ўзроўнi не нiжэй за заданне, даведзенае ва ўстаноўленым парадку або прадугледжанае бiзнес-планам у выпадку, калi такое заданне не ўстаноўлена, памер нарматыву на працягу справаздачнага года не павiнен перасягаць 100 працэнтаў, калi iншае не ўстаноўлена Прэзiдэнтам Рэспублiкi Беларусь;

1.3. парадак выкарыстання стымулюючых выплат у межах памераў нарматыву, устаноўленых падпунктамi 1.1 i 1.2 гэтага пункта, вызначаецца наймальнiкам на падставе калектыўнага дагавора, пагаднення, iншага лакальнага нарматыўнага прававога акта, прынятых у адпаведнасцi з заканадаўствам.

2. Прызнаць страцiўшымi сiлу:

падпункт 1.5 пункта 1 Дэкрэта Прэзiдэнта Рэспублiкi Беларусь ад 27 сакавiка 1997 г. нумар 10 "Аб дадатковых мерах па ўдасканаленнi аплаты працы работнiкаў галiн эканомiкi" (Збор дэкрэтаў, указаў Прэзiдэнта i пастаноў Урада Рэспублiкi Беларусь, 1997 г., № 11, арт. 378);

Дэкрэт Прэзiдэнта Рэспублiкi Беларусь ад 30 кастрычнiка 1997 г. № 22 "Аб унясеннi змяненняў у Дэкрэт Прэзiдэнта Рэспублiкi Беларусь ад 27 сакавiка 1997 г. № 10" (Збор дэкрэтаў, указаў Прэзiдэнта i пастаноў Урада Рэспублiкi Беларусь, 1997 г., № 32, арт. 1010);

пункт 2 Дэкрэта Прэзiдэнта Рэспублiкi Беларусь ад 18 лiпеня 2002 г. № 17 "Аб некаторых пытаннях рэгулявання аплаты працы работнiкаў" (Нацыянальны рэестр прававых актаў Рэспублiкi Беларусь, 2002 г., № 83, 1/3879).

3. Савету Мiнiстраў Рэспублiкi Беларусь у двухмесячны тэрмiн забяспечыць прывядзенне актаў заканадаўства ў адпаведнасць з гэтым Дэкрэтам i прыняць iншыя меры па яго рэалiзацыi.

4. Гэты Дэкрэт уступае ў сiлу з 1 студзеня 2009 г., з’яўляецца часовым i ў адпаведнасцi з часткай трэцяй артыкула 101 Канстытуцыi Рэспублiкi Беларусь прадстаўляецца на разгляд Нацыянальнага сходу Рэспублiкi Беларусь.

23 студзеня 2009 г., г. Мiнск.