У Лэнд Роверы загінуў кiроўца, а ў Слаўгарадзе ўначы збiлi маладога мужчыну

Источник материала:

Два дарожна-транспартныя здарэннi са смяротным вынiкам адбылiся ў мiнулыя выхадныя днi ў Магiлёўскай вобласцi.

24 студзеня ўдзень у Магiлёве на праспекце Мiру аўтамабiль "Лэнд Ровер", якiм кiраваў 50-гадовы жыхар абласнога цэнтра, выехаў на паласу сустрэчнага руху i сутыкнуўся з "Рэно". Паводле iнфармацыi Магiлёўскай ДАІ, вадзiцель не выбраў бяспечную хуткасць, не ўлiчыў стан дарожнага пакрыцця i ўмовы надвор’я. "Лэнд Ровер" перакулiўся, i мужчына загiнуў на месцы. Дарэчы, гэты чалавек не скарыстаўся рамянямi бяспекi. Мiж тым, дысцыплiнавана прышпiленыя вадзiцель i пасажыр "Рэно", хоць iх аўтамабiль i атрымаў значныя тэхнiчныя пашкоджаннi, засталiся цэлыя, iх нават не шпiталiзавалi.

25 студзеня каля 2 гадзiн уначы ў Слаўгарадзе на вулiцы Кiрава аўтамабiль наехаў на чалавека, якi iшоў у спадарожным напрамку па краi праезнай часткi. Мужчына, якому было 28 гадоў, памёр на месцы ад атрыманых траўмаў. А кiроўца з месца здарэння збег. У вынiку аператыўна-вышуковых мерапрыемстваў быў знойдзены з характэрнымi пашкоджаннямi аўтамабiль "Мерседэс" i яго 25-гадовы вадзiцель.