Крызіс падкошвае здаровы лад жыцця

Источник материала:

Тым не менш, стрэс, якому падвяргаюцца людзi, калi iм даводзiцца "зацягваць паясы", досыць небяспечны. Хваляваннi i перажываннi павялiчваюць рызыку развiцця розных, асаблiва сардэчна-сасудзiстых, захворванняў. Стрэс падштурхоўвае да нездаровага ладу жыцця — набыцця больш танных прадуктаў, абуджэння жадання закурыць, выпiць. Каму смутны час на руку, дык гэта ўсялякiм "магам з чарадзеямi", якiя вяртаюць разгубленаму чалавеку iлюзiю кантролю над жыццём. А яшчэ ў фаворы — вытворцы салодкай прадукцыi. Заўважана, што нават падчас цяперашняга сусветнага крызiсу попыт на салодкае трымаецца на высокай пазiцыi.

Амерыканскiя даследчыкi выявiлi небяспечнае павелiчэнне канцэнтрацыi сардэчна-сасудзiстых прэпаратаў пры адначасовым ужываннi iх з грэйпфрутавым сокам. Аказалася, што пакуль печань занятая разборкай iнгрэдыентаў грэйпфрута, канцэнтрацыя лекаў у крывi нарастае. Цiкава, што нiводзiн iншы сок не валодае падобнымi "вартасцямi".

Аднак ва ўмеранай колькасцi i не на фоне ўжывання прэпаратаў "грэй" цудоўна дапамагае страваванню. Арганiчныя кiслоты, пекцiны, клятчатка, паскараюць прасоўванне ежы, спрыяюць ачышчэнню кiшэчнiка, актывiзуюць дзейнасць печанi i ў пэўнай ступенi паляпшаюць тлушчавы абмен. Аднак нельга сказаць, што грэйпфрут спрыяе пахудзенню.

Знiжаем утрыманне тлушчаў у харчаваннi:

l Выбiрайце поснае мяса i птушку, з якой здымайце скуру.

l Не ешце смажанага. Гатуйце на пары, запякайце ў духоўцы.

l З гатовых прыпраў выбiрайце ткемалi, таматны соус, хрэн, гарчыцу. Да мяса i рыбы дадавайце салатную зеляніну, травы, квашаную капусту, бруснiцы, зялёны гарошак.

l Набывайце абястлушчаныя малочныя прадукты.

l Выбiрайце фруктовае марожанае.

l Адмоўцеся ад здобы, пячэння i шакаладу. Пiце чай з сухафруктамi.

l Замест звычайнага хлеба ўжывайце сухiя хлябцы з цэльнага зерня.

l Тушыце гароднiну ў невялiкай колькасцi вады цi абястлушчанага малака.

l Баклажаны i бульбу запякайце цалкам у духоўцы.

l Зрэдку ешце авакада, маслiны, семкi i арэхi.