Меры па пераадоленні ўплыву сусветнага крызiсу на эканомiкi Беларусi i Расii будуць абмяркоўвацца 3

Источник материала:

Парадак дня мерапрыемства прадугледжвае абмеркаванне пытанняў, якiя датычацца мераў па пераадоленнi ўплыву сусветнага фiнансава-эканамiчнага крызiсу на эканомiкi Беларусi i Расii, пашырэння беларуска-расiйскага гандлёва-эканамiчнага супрацоўнiцтва, узаемадзеяння дзвюх краiн у фiнансава-крэдытнай сферы, паглыблення супрацоўнiцтва ў ваенна-тэхнiчнай галiне.

На пасяджэннi будуць разгледжаны Праграма ўзгодненых дзеянняў у галiне знешняй палiтыкi дзяржаў — удзельнiц Дагавора аб стварэннi Саюзнай дзяржавы на 2008—2009 гады i бюджэт СД на 2009 год, ход выканання Канцэпцыi сацыяльнага развiцця Саюзнай дзяржавы да 2010 года. Акрамя таго, плануецца, што ў Маскве будзе падпiсаны шэраг сумесных дакументаў.

Па вынiках 2008 года аб’ём тавараабароту Беларусi i Расii перасягнуў $34 млрд. На долю Расii ў мiнулым годзе прыпадала 59,8 працэнта агульнага аб’ёму знешняга гандлю Беларусi.

4 лютага Прэзiдэнт Беларусi возьме ўдзел у пасяджэннях Савета калектыўнай бяспекi Дагавора аб калектыўнай бяспецы i Мiждзяржаўнага Савета Еўразiйскага эканамiчнага супольнiцтва.

У лiку пытанняў, што выносяцца на разгляд кiраўнiкоў дзяржаў — членаў АДКБ, — бюджэт Арганiзацыi Дагавора аб калектыўнай бяспецы на 2009 год i iдэя стварэння Калектыўных сiлаў аператыўнага рэагавання Арганiзацыi Дагавора аб калектыўнай бяспецы.

На парадку дня пазачарговага самiту Еўразiйскага эканамiчнага супольнiцтва два галоўныя пытаннi: аб утварэннi Антыкрызiснага фонду ЕўрАзЭС i аб стварэннi Цэнтра высокiх тэхналогiй ЕўрАзЭС.