Нападаў на жанчын, збіваў i рабаваў

Источник материала:

У Брэсце затрыманы серыйны рабаўнiк жанчын. За месяц (з 23 снежня па 27 студзеня) ён абрабаваў шэсць жанчын, у асноўным пенсiйнага ўзросту. Злачынца выязджаў у дачны пасёлак побач з горадам, дзейнiчаў i ў раёне вулiцы Шашэйнай на акраiне.

Тут сярод белага дня высочваў сваю ахвяру i нападаў на яе. Цяпер на дачах людзей вельмi мала. Таму хулiган i быў ўпэўнены, што жанчынам нiхто не прыйдзе на дапамогу. Сярод пацярпелых ёсць дзве пенсiянеркi 1928 i 1929 гадоў нараджэння. Бабулькi, вядома, не аказалi б нiякага супрацiўлення i аддалi б рабаўнiку свой няхiтры скарб. Але, паводле слоў начальнiка аддзела ўпраўлення крымiнальнага вышуку Брэсцкага УУС Дзмiтрыя Каравякоўскага, ён збiваў iх з асаблiвай жорсткасцю. Спачатку штурхаў i звальваў ахвяру з ног, потым бiў рукамi, нагамi. Тры з пацярпелых шасцi жанчын трапiлi ў бальнiцу з чэрапна-мазгавымi i iншымi траўмамi.

Зламыснiк адбiраў пакеты з рэчамi, грошы, а потым хуценька пакiдаў месца свайго злачыннага промыслу. Па падазрэннi ў здзяйсненнi гэтых злачынстваў затрыманы 22-гадовы брастаўчанiн. Раней ён ужо адбываў пакараннi за крадзяжы. Праводзiцца расследаванне.

Як паведамiлi ва УДАI МУС, загiнулы раней ужо прыцягваўся да адказнасцi за тое, што кiраваў аўтамабiлем без пасведчання. Аднак гэта яго не спынiла, што скончылася трагiчна. У Мiнску кiроўца не змог размiнуцца з тралейбусам, якi ехаў у спадарожным з БМВ напрамкам, пасля чаго легкавушка выехала на сустрэчную паласу руху, дзе сутыкнулася з грузавым аўто "Мерседэс". У вынiку ДТЗ 32-гадовы кiроўца загiнуў. Нялiшне будзе нагадаць для гора-кiроўцаў, што за кiраванне транспартным сродкам асобай, якая не мае вадзiцельскага пасведчання, а таксама перадачу кiравання асобе, што не мае права кiравання гэтым сродкам, накладаецца штраф у памеры ад 175 да 700 тысяч рублёў. За тыя ж дзеяннi, якiя ўчынены паўторна на працягу года пасля накладання адмiнiстрацыйнага спагнання за такiя ж парушэннi, давядзецца заплацiць ужо ад 700 тысяч да 1 млн 750 тысяч рублёў.

Узламаўшы навясны замок, невядомы залез у дом да жыхара Кобрына i паклаў вока на старыя тэлевiзары. Забраў усе — тры штукi.

Злодзей — 58-гадовы беспрацоўны.

У в. Тамашоўка Брэсцкага раёна гаспадыня не зачынiла дзверы i не паспела азiрнуцца, як знiк кашалёк з грашыма. Мiлiцыя выявiла, што грошы ўкрала жыхарка в. Камароўка. І ў Лунiнцы, у доме па вул. Давыдава таксама забылiся, што ў дзвярах ёсць замок, i жыхар горада выкраў плэер "Хундай". Украдзенае вярнулi.