Праблема адна — Матовела

Источник материала:

Паводле слоў старшынi прафсаюза работнiкаў аўтасельгасмаша Валерыя Кузьмiча, летась аб’ёмы прамысловай вытворчасцi павялiчылiся на 13 працэнтаў, скарацiлася колькасць стратных прадпрыемстваў. Сiтуацыя пачала змяняцца ў лiстападзе-снежнi, калi на прадпрыемствах, арыентаваных на экспарт, стаў назiрацца спад дзелавой актыўнасцi. Прычым перш-наперш гэта датычыцца агрэгатных вытворчасцяў, да прыкладу, БАТЭ i Белкарда. Прычына тая ж — цалкам спынiўся расiйскi КАМАЗ, у няпоўным рэжыме працуюць ГАЗ i АўтаВАЗ. У той жа час, зазначыў Валерый Кузьмiч, з недахопам заказаў сутыкнулiся далёка не ўсе — напрыклад, прыкладам, па-ранейшаму пад поўную "загрузку" працуе "Гомсельмаш".

Сёння некалькi прадпрыемстваў усё яшчэ працуюць у няпоўным рэжыме. Аднак, адзначыў Валерый Кузьмiч, iх становiшча не крытычнае. Сапраўдная праблема ёсць толькi адна — Мотавелазавод, якi фактычна не вырабляе прадукцыю ўжо паўтара месяца. Прадпрыемства мае вялiкiя даўгi i мiнусавую рэнтабельнасць, прычым цяжкасцi тут пачалiся задоўга да крызiсу.

Як паведамiў Валерый Кузьмiч, днямi адбылася сустрэча прадстаўнiкоў прафсаюза i ўласнiкаў Мотавела, падчас якой былi вызначаны напрамкi выйсця з сiтуацыi. Як вынiк, ужо пачалiся падрыхтоўчыя работы па запуску прадпрыемства. Праўда, дакладна сказаць, калi Мотавелазавод усё ж адновiць вытворчасць, пакуль немагчыма.