...

Пры будаўнiцтве жылога дома ў Кобрыне смяротна траўмаваны работнiк АВАТ "Будтрэст № 332", 42-гадовы жыхар вёскi Тэўлi Кобрынскага раёна. Трагедыя адбылася ў вынiку паломкi апоры аўтакрана i падзення грузу. Другi працаўнiк гэтага ж прадпрыемства, 43-гадовы жыхар Кобрына, атрымаў цялесныя пашкоджаннi i знаходзiцца ў бальнiцы.

Падпалкоўнiк адной з вайсковых часцей Валожынскага гарнiзона прысуджаны да абмежаванняў па службе тэрмiнам на 1 год з вылiчэннем у даход дзяржавы 10 % грашовага ўтрымання за выкарыстанне ў асабiстых мэтах працы сваiх падначаленых. Выяўлена, што ён неаднаразова прыцягваў вайскоўцаў да выканання работ па ўладкаванні асабiстага гаража i кватэры, а таксама выкарыстоўваў службовы аўтатранспарт у асабiстых мэтах.

Чацвёра мужчын бесперашкодна ўвайшлi ў дом 22-гадовага гамяльчанiна, назваўшыся мiлiцыянерамi. Яны былi апранутыя ў цывiльнае адзенне, аднак паказалi пасведчаннi супрацоўнiкаў праваахоўных органаў старога ўзору. Яны канфiскавалi нiбыта на праверку 5 мабiльных тэлефонаў i сiстэмны блок. Праз пэўны час гамяльчанiн звярнуўся ў мiлiцыю, каб даведацца пра лёс сваiх рэчаў. Тады i высветлiлася, што да яго заходзiлi махляры. Іх асобы выяўлены.

nЭнергетычны крызiс пашыраецца сёлетняй зiмой у Непале з-за падзення ўзроўню вады ў вадасховiшчах. У вынiку людзi сядзяць без электрычнасцi па 12 гадзiн у суткi. Многiя жанатыя i нежанатыя пары выстройваюцца ў даўжэзныя чэргi на аборт, колькасць ахвотных пазбавiцца ад нежаданай цяжарнасцi iмклiва расце. Улады адзначаюць, што адсутнасць электрычнасцi не з’яўляецца галоўнай прычынай росту незапланаванай цяжарнасцi, але яна стала правакацыйным фактарам. У краiне рыхтуюцца да рэкорднага "бэбi-буму".