Праверкі магчымых фактаў неабгрунтаванага павелiчэння цэнаў будуць падоўжаны?

Источник материала:

Замест ранейшага штомесячнага манiторынгу цэнаў на пэўны асартымент харчовых тавараў, у тым лiку плодаагароднiнную прадукцыю, Мiнiстэрства гандлю цяпер будзе праводзiць штотыднёвыя такiя праверкi. А, улiчваючы факты парушэння правiлаў гандлю i незахавання цэнавога заканадаўства, мiнiстэрства звярнулася ва Урад з хадайнiцтвам аб падаўжэннi тэрмiну правядзення праверак. Як паказалi выбарачныя ("кропкавыя") праверкi Мiнiстэрства гандлю, праведзеныя сумесна з Мiнiстэрствам эканомiкi, парушэннi выяўлены ў палове правераных суб’ектаў гаспадарання. У лiдарах сярод парушальнiкаў — суб’екты гаспадарання недзяржаўнай формы ўласнасцi (асаблiва — пры рознiчным гандлi на рынках).

Прыпынена дзеянне спецыяльных дазволаў (лiцэнзiй) 29 суб’ектаў гаспадарання (Магiлёўская i Вiцебская вобласцi — па 11, Гомельская — 7), 60 суб’ектаў гаспадарання пазбаўлены права ажыццяўлення рознiчнага гандлю (г. Мiнск — 14, Магiлёўская вобласць — 18, Брэсцкая — 12, Вiцебская — 6, Гомельская —1, Гродзенская — 9), на разглядзе на пазбаўленне лiцэнзiй знаходзяцца 48 матэрыялаў. Вывучаюцца прапановы розных пастаўшчыкоў на аналагiчныя тавары з мэтай выяўлення найбольш прымальных адпускных цэнаў. Для канкурэнцыi павялiчана колькасць гандлёвых пунктаў па продажы бульбы i плодаагароднiннай прадукцыi на рынках.

У мiнiстэрстве напамiнаюць: вызначаны ў краiне парадак фармiравання i выкарыстання цэнаў распаўсюджваецца на ўсе суб’екты гаспадарання, незалежна ад формы ўласнасцi i падпарадкаванасцi.