Рэзідэнты ПВТ Беларусi экспартавалi ў 2008 годзе праграмнае забеспячэнне на суму $102,5 млн

Источник материала:

Кампанii-рэзiдэнты парку ў мiнулым годзе аказалi паслуг па распрацоўцы праграмнага забеспяэчння (ПЗ) на экспарт на суму $102,5 млн. Доля экспарту ў агульным аб’ёме вытворчасцi склала 85 працэнтаў.

Экспарт ПЗ кампанiй-рэзiдэнтаў ПВТ за перыяд з 2005 па 2008 год павялiчваўся штогод у сярэднiм у 2 разы.

У беларускiм Парку высокiх тэхналогiй ажыццяўляе дзейнасць 61 рэзiдэнт, рэалiзуюцца пяць праектаў у сферы новых i высокiх тэхналогiй.

Што датычыцца вiдаў iнвестыцый, прыцягнутых у сферу ІТ, то з кампанiй-рэзiдэнтаў парку 52 працэнты створаны беларускiмi iнвестарамi, 26 працэнтаў — са стопрацэнтнымi замежнымi iнвестыцыямi, 22 працэнты — сумесныя прадпрыемствы.

Прэзiдэнт праiнфармаваны аб ходзе будаўнiцтва i праектавання ПВТ. У прыватнасцi, кiраўнiку дзяржавы даложана аб заканчэннi будаўнiцтва першага, галоўнага будынка, у якiм будуць размяшчацца Адмiнiстрацыя ПВТ, адукацыйны цэнтр, так званы бiзнэс-iнкубатар i дзве кампанii — рэзiдэнты парку, якiя выступаюць у якасцi суiнвестараў.

Размова iшла таксама аб праводзiмай рабоце з кадрамi, перш за ўсё аб выбудоўваннi ўзаемаадносiн памiж рэзiдэнтамi ПВТ i сiстэмай вышэйшай адукацыi. Практычна ва ўсiх ВНУ рэспублiкi рэзiдэнты ПВТ ужо адкрылi свае лабараторыi. Як было адзначана, на сёння ў парку ў асноўным працуе моладзь ва ўзросце да 30 гадоў.

Парк высокiх тэхналогiй створаны дэкрэтам Прэзiдэнта ад 22 верасня 2005 года нумар 12. Статут адмiнiстрацыi ПВТ зацверджаны ўказам кiраўнiка дзяржавы 31 студзеня 2006 года. Напрамкi дзейнасцi парку ўключаюць распрацоўку, укараненне iнфармацыйна-камунiкацыйных тэхналогiй i праграмнага забеспячэння ў рэспублiцы, а таксама iх экспарт. Гэты важны праект рэалiзуецца пад патранатам Прэзiдэнта Беларусi.