Значны прагрэс у лячэнні

Источник материала:

Паводле слоў дацэнта кафедры дзiцячай анкалогii i гематалогii Беларускай дзяржаўнай медыцынскай акадэмii паслядыпломнай адукацыi, кандыдата медыцынскiх навук Наталлi КЛІМКОВIЧ, сярэднi паказчык захваральнасцi на злаякасныя новаўтварэннi на 100 тысяч дзiцячага насельнiцтва ў Беларусi складае 14-15 выпадкаў. Згаданыя захворваннi застаюцца адной з асноўных прычын смерцi ў дзяцей да 18 гадоў ва ўсiм свеце. На шчасце, у апошняе дзесяцiгоддзе дасягнуты значны прагрэс у лячэннi анказахворванняў у дзяцей.

— Рак — хвароба, з якой можна i трэба змагацца, — кажа Наталля Клiмковiч. — Выжываль-насць дзяцей з анкалагiчнымi захворваннямi на Беларусi за апошнiя 10 гадоў павялiчылася ў сярэднiм на 20 працэнтаў. Так, 10-гадовая безрэцыдыўная выжывальнасць пры вострым лiмфабласным лейкозе складае 75 працэнтаў, пры лiмфагранулематозе — 93. 5-гадовая безрэцыдыўная выжывальнасць пры злаякасных новаўтварэннях галаўнога мозгу складае 64 працэнта, пры нефрабластоме — 84, астэасаркоме — 60. Дадатковы шанц дзецям з дрэнным прагнозам захворвання дае выкарыстанне трансплантацыi гемапаэтычных ствалавых клетак. Аднак адным з вызначальных фактараў паспяховага лячэння з’яўляецца ранняя дыягностыка раку. Калi дзецi, якiя маюць 1-2 стадыю захворвання, выжываюць у 79 працэнтах выпадкаў, то на чацвёртай стадыi толькi ў 26 працэнтах. Таму актуальным з’яўляецца навучанне медработнiкаў па ранняй дыягностыцы анкалагiчных захворванняў у дзяцей...