Главная
Гороскопы
Пагарэў на... каналізацыi
Пагарэў на... каналізацыi
Да пяцi гадоў пазбаўлення волi з адбываннем пакарання ў калонii ўзмоцненага рэжыму з канфiскацыяй маёмасцi ў судзе Наваполацка прыгаварылi начальнiка ўчастка каналiзацыйных сетак "Водаканала" Наваполацкага прадпрыемства ЖКГ. Як паведамiла "Звяздзе" старшы памочнiк пракурора Вiцебскай вобласцi Ірына Таўтын, у ходзе папярэдняга расследавання было выяўлена, што ў 2004 — 2007 гадах абвiнавачаны пры адсутнасцi заданняў i даручэнняў свайго кiраўнiцтва незаконна сiстэматычна арганiзоўваў прачыстку i прамыўку каналiзацыйных лiўневых сетак, што знаходзяцца на балансе аддзела адукацыi наваполацкага гарвыканкама. Пры гэтым ведаў — заробленыя грошы не будуць пералiчаны ЖКГ, бо дагавора памiж аддзелам i "Водаканалам" няма. Работы ажыццяўлялi падначаленыя, выкарыстоўвалася спецыяльная тэхнiка прадпрыемства. Атрыманыя грошы за выкананыя работы — а гэта амаль 109 мiльёнаў беларускiх рублёў — былi пералiчаныя на рахунак iндывiдуальнага прадпрымальнiка, з якiм асуджаны сябраваў. Акрамя таго, гэтая адказная асоба атрымала хабар — 300 долараў ЗША ад прадстаўнiка фiрмы за ажыццяўленне аналагiчных работ на тэрыторыi наваполацкага ўчастка фiрмы. Пры гэтым дагаворныя адносiны не афармлялi, як i факт афiцыйнай аплаты... Асуджаны па iску пракурора горада таксама павiнен кампенсаваць страту, прычыненую наваполацкаму прадпрыемству жыллёва-камунальнай гаспадаркi. Аляксандр ПУКШАНСКI.
Чтобы разместить новость на сайте или в блоге скопируйте код:
На вашем ресурсе это будет выглядеть так
Да пяцi гадоў пазбаўлення волi з адбываннем пакарання ў калонii ўзмоцненага рэжыму з канфiскацыяй маёмасцi ў судзе Наваполацка прыгаварылi начальнiка
|
|