У Мінску з'явілася "Рок-таксі"

Источник материала:

2 марта 2009 Калейдоскоп
Тузін Гітоў "У нас ужо склаўся стэрыятып таксоўшчыка, які размаўляе толькі па-расейску ды слухае „Магадан“, а ніша рок-таксі з кляснай музыкай ды яшчэ і беларускамоўным таксоўшчыкам у нас дагэтуль была пустая", — кажа ўладальнік менскага "Рок-таксі" Валер Бычкоўскі. Ён вельмі шануе беларускую музыку, таму ўсім наведнікам ТГ гатовы зрабіць зьніжку на кожную паездку ў ягонай таксоўцы ў 10 працэнтаў.

"Рок-таксі" пакуль працуе толькі з другой паловы дня — у вячэрнім фармаце. "Разводжу людзей пасьля розных імпрэзаў і канцэртаў, — кажа Валеры. — Ёсьць ужо і сталыя пасажыры, якія часта выклікаюць, каб кудысьці праехацца з добрай музыкай. У будучыні, вядома ж, ёсьць пляны пашырыцца да кругласутачнай працы". У Валерыя на выбар пасажыра — ля 200 дыскаў. Шансону тут ня месца, толькі клясыка замежнага і беларускага року.