Любімым выканаўцам — па вуху. Залатому

Источник материала:

Першая раздача "Залатых вушэй" адбылася яшчэ ў 2005 годзе (у 2006 да лiку сузаснавальнiкаў далучылася мiнiстэрства iнфармацыi), i з таго часу правiлы вылучэння кандыдатаў на атрыманне адмысловай статуэткi з бронзы i каменю iстотна не змянiлiся. Па-ранейшаму дваццатку лепшых выбiраюць слухачы — але цяпер галасаванне iдзе ў два этапы. да 15 сакавiка на сайце www.аlрhа.bу слухачы з дапамогай iнтэрнэт- i sms-галасавання выбiраюць дваццаць лепшых выканаўцаў i музыкантаў з больш як 300 прэтэндэнтаў. З 16 па 29 сакавiка гэтыя два дзясяткi будуць размеркаваныя па намiнацыях. Па ўжо звыклай завядзёнцы, акрамя асноўных прэмiй, будуць уручацца тры спецыяльныя — "Прэс-Вуха" (лепшаму журналiсту, якi пiша пра шоу-бiзнэс), жартоўная "Вуха ў трубачку" i цалкам сур’ёзная, пачэсная — "За ўнёсак у развiццё айчыннай культуры".

Як мяркуе генеральны прадзюсар ЗАТ "Альфа Радыё" Сяргей Ражкоў, на ўрачыстую цырымонiю ўручэння прэмiй — яна ж гала-канцэрт, прызначаны на 3 красавiка, — прыйдуць як адданыя слухачы, так i лепшыя беларускiя выканаўцы, а таксама лепшыя дыджэi за ўсю гiсторыю радыёстанцыi.