Рэзервы краiны папоўняць юанi

Источник материала:

Беларусь атрымае ад Кiтая суму, раўназначную амаль 2,8 мiльярда долараў ЗША

— Пагадненне падпiсанае, а кiтайская дэлегацыя толькi ў мiнулую пятнiцу вылецела на радзiму, — паведамiў карэспандэнту "Звязды" начальнiк Упраўлення iнфармацыi — прэс-сакратар Нацыянальнага банка Анатоль Драздоў. — Таму грошы мы яшчэ не атрымалi, але няма нiякiх сумненняў, што яны паступяць.

— Натуральна, уся замежная валюта, якая паступае на рахунак Нацыянальнага банка, з’яўляецца золатавалютнымi рэзервамi краiны. У Беларусi юань уваходзiць у склад золатавалютных рэзерваў, таму кiтайская валюта таксама лiчыцца ЗВР, але ў нацыянальным вызначэннi: па методыцы Мiжнароднага валютнага фонду яны не разлiчваюцца, паколькi юань не з’яўляецца свабоднаканверсоўнай валютай.

— Крыху менш, чым у два разы: на пачатак сакавiка золатавалютныя рэзервы ў нацыянальным вызначэннi складалi каля 3,8 мiльярда долараў. Але з паступленнем 20 мiльярдаў юаняў яны папоўняцца iстотна, i мы фактычна выходзiм менавiта на тую нiжнюю мяжу золатавалютных рэзерваў, якую аб’явiлi на гэты год — больш за 6 мiльярдаў долараў.

— Не, плацiць не трэба, памiж нашымi банкамi iдзе абмен дэпазiтамi. Мы ў iх размяшчаем на рахунку рублi, яны ў нас — юанi. I ўсё гэта — без працэнтаў

— Так, акрамя таго, падпiсанае пагадненне дае магчымасць пашыраць знешнегандлёвы абарот двух краiн. Мiж iншым, калi раней наша прадпрыемства для куплi нейкiх тавараў у Кiтаi павiнна было набываць на бiржы СКВ, то зараз разлiкi будуць весцiся ў юанях.

— I Беларусь, i Кiтай даюць адно аднаму беспрацэнтны крэдыт — тэхнiчны крэдыт для ўзаемаразлiкаў, — каментуе заключанае пагадненне эксперт "Звязды", дэкан эканамiчнага факультэта БДУ, прафесар Мiхаiл Кавалёў. — Гэта вельмi зручная форма: нi Кiтаю, нi нам для аплаты разлiкаў адно з адным не патрэбныя зараз амерыканскiя долары. Iнакш кажучы, Кiтай будзе нам цяпер за калiйныя ўгнаеннi плацiць беларускiмi рублямi, якiя мы пакладзём на рахунак у банку Кiтая, а Беларусь усё, што купляе там (а купляем у гэтай краіны мы дастаткова шмат), будзем плацiць юанямi, якiя атрымаем ад кiтайскiх партнёраў.

— Будзе эканомiцца валюта трэцiх краiн, а разлiкi будуць праводзiцца ў нацыянальных валютах. На мой погляд, Расii замест дагавораў аб пераходзе на расiйскiя рублi даўно трэба было пайсцi з Беларуссю на такi ж варыянт.