Беларусь вітае прыход iнвестараў з ААЭ

Источник материала:

"Для нас важны вiзiт такога высокага ўзроўню, i мы разумеем, што гэта сiгнал для бiзнэсменаў ААЭ iнвеставаць у Беларусь".

Прэзiдэнт адзначыў важнасць таго, што прадстаўнiкi ААЭ "трымаюць сваё слова, выконваюць дасягнутыя дамоўленасцi", пра што, у прыватнасцi, сведчыць адкрыццё прамых авiязносiн памiж Беларуссю i Аб’яднанымi Арабскiмi Эмiратамi, а таксама вырашэнне iншых пытанняў.

На сённяшняй сустрэчы разгледжаны iнвестыцыйныя праекты, у якiх могуць удзельнiчаць эмiрацкiя бiзнэсмены.

Кiраўнiк беларускай дзяржавы перадаў найлепшыя пажаданнi бацьку Султана бен Халiфы аль-Нахаяна — Прэзiдэнту ААЭ шэйху Халiфе бен Заiду аль-Нахаяну i пацвердзiў сваё запрашэнне кiраўнiку ААЭ наведаць Беларусь.

У сваю чаргу высокi госць заявiў аб тым, што Аб’яднаныя Арабскiя Эмiраты маюць намер актывiзаваць супрацоўнiцтва з Беларуссю. "Мой вiзiт у Мiнск з’яўляецца сiгналам для актывiзацыi двухбаковых адносiнаў з Беларуссю", — адзначыў кiраўнiк групы кампанiй "ЭсБiКей Холдынг". Напрамкi дзейнасцi гэтага холдынгу — здабыча, перапрацоўка i пастаўка нафты i газу, нафтахiмiчная прамысловасць, вытворчасць электраэнергii, сталi, гасцiнiчны бiзнэс, банкаўская справа, страхаванне i фiнансавы сектар, iнвеставанне ў камерцыйную i жылую нерухомую маёмасць, сельская гаспадарка i iншыя.