Звыклыя падтапленнi

Источник материала:

Два масты ў Магiлёўскай вобласцi падтопленыя ў вынiку паводкi.

Першы — у Чавускiм раёне, праз раку Проню. Вада паднялася на 40 см вышэй за праезную частку моста, якi звязваў вёскi Скварск i Дзедня. У вынiку цяпер цяжка праехаць да трох вёсак, дзе жывуць увогуле больш за сто чалавек.

У Мсцiслаўскiм раёне паднялася вада на рацэ Вiхра каля вёскi Чырвоны Бераг. Яна падтапiла мост, якi вядзе да вёскi Красная Паляна. Па iм праблематычна даехаць да дзвюх маланаселеных вёсак, дзе жывуць 6 чалавек.

— Падтапленне гэтых мастоў адбываецца штогод i не прыносiць вялiкiх праблем, — пракаментаваў прэс-сакратар Магiлёўскага абласнога ўпраўлення МНС Юрый Мятлiцкi. — Жыццё i дзейнасць людзей не парушаныя. Ёсць аб’язныя шляхi. Супрацоўнiкi МНС аб’язджаюць вяскоўцаў, забяспечваюць iх у выпадку неабходнасцi вадой i ежай.

У прыватным сектары Гомеля па вулiцы Чарнiгаўскай пры правядзеннi сяўбы ў полi знойдзена мiна часоў Вялiкай Айчыннай вайны. Размiнiраваннем небяспечнай знаходкi займалася спецыяльнае падраздзяленне гомельскай вайсковай часцi. Адначасова ў вёсцы Абольцы Жлобiнскага раёна пры рэканструкцыi мелiярацыйных сiстэм у канале быў знойдзены артылерыйскi снарад. У населены пункт былi выклiканы сапёры з Рэчыцы, якiя яго i абясшкодзiлi.

Судзiмы за крадзеж i ўхiленне ад выплаты алiментаў беспрацоўны стукнуў па галаве малатком сваю мацi. Жанчына атрымала цялеснае пашкоджанне ў выглядзе раны галавы. 32-гадовы сынок забраў у пацярпелай 100 тысяч беларускiх рублёў, на якiя купiў спiртныя напоi.

Паводле слоў старшага памочнiка пракурора Брэсцкай вобласцi Вольгi ДЗМIТРУК, суд прызначыў мужчыну пакаранне ў выглядзе 8 гадоў пазбаўлення волi ў папраўчай калонii ўзмоцненага рэжыму. Касацыйную скаргу злачынцы на жорсткасць пакарання судовая калегiя па крымiнальных справах Брэсцкага абласнога суда адхiлiла, прыгавор пакiнуты без змяненняў.

Мiлiцыя хутка выйшла на злодзея. Супрацоўнiк магазiна працаваў менеджарам-кантралёрам i адказваў за таварна-матэрыяльныя каштоўнасцi. Пасля працы ён адключыў сiгналiзацыю i адчынiў ключом дзверы. Украўшы пяць мабiльных тэлефонаў, ноўтбук, сiстэмны блок.., злодзей такiм жа чынам пакiнуў краму.

За незаконную здабычу пяцi казуль i нанясенне прыродным рэсурсам урону ў асаблiва буйным памеры ў дачыненнi да браканьера судом Гродзенскага раёна прызначана пакаранне ў выглядзе пазбаўлення волi тэрмiнам на 2 гады з выпрабавальным тэрмiнам 1 год 6 месяцаў з кампенсацыяй нанесенага ўрону ў памеры 10,5 мiльёна рублёў. Частку ўрону — 8,4 мiльёна — парушальнiкам была аплачана добраахвотна да суда.

За паляванне ў цёмны час сутак з пад святла фараў з выкарыстаннем транспартнага сродку (матацыкла МТ-10) суд Быхаўскага раёна прызначыў двум браканьерам пакаранне ў выглядзе пазбаўлення волi тэрмiнам на 1 год умоўна кожнаму з канфiскацыяй двух паляўнiчых стрэльбаў.

Следчым аддзелам па найважнейшых справах пракуратуры Брэсцкай вобласцi закончана папярэдняе расследаванне крымiнальнай справы, па вынiках якой адзiн з iнспектараў Брэсцкай мытнi абвiнавачаны ў атрыманнi 3 хабараў на агульную суму $200, у тым лiку апошняга ў памеры $100 сумесна са старшым iнспектарам Брэсцкай мытнi, праiнфармавалi ў ведамстве. Хабар мытнiкi атрымалi за пропуск праз мытную мяжу тавараў без выплаты мытных пошлiнаў, хоць iх спагнанне было абавязковым. Знаходзячыся 31 студзеня гэтага года ў пункце мытнага афармлення "Олтуш" Маларыцкага раёна, яны за хабар у $100 прапусцiлi тавар агульнай вагой больш за 340 кг коштам каля Br55 млн, якi падлягаў абкладанню ўвазнымi мытнымi пошлiнамi на суму, большую за Br22 млн. Абодва супрацоўнiкi мытнi абвiнавачваюцца таксама ў злоўжываннi службовым становiшчам. Да крымiнальнай адказнасцi прыцягваюцца не толькi атрымальнiкi хабару, але i раней не судзiмы жыхар Брэста, якi iм гэты хабар даў.