Главная
Гороскопы
...
...
Патрыярх Маскоўскi i ўсяе Русi Кiрыл плануе наведаць з пастырскiм вiзiтам Мiнск у другой палове гэтага года, паведамiлi БЕЛТА ў Беларускiм экзархаце. Пагранкантроль на беларуска-расiйскай гранiцы ўводзiцца не будзе. Аб гэтым БЕЛТА паведамiлi ў прэс-цэнтры Дзяржаўнага пагранiчнага камiтэта Беларусi. Мiнскiя спецыялiзаваныя цэнтры па замене аўтамабiльных шынаў павялiчылi кошт сваiх паслуг на 20 %. Цяпер, каб "пераабуць" машыну, аўтааматар у залежнасцi ад дыяметра, складанасцi дэмантажу i ўстаноўкi колаў у сярэднiм павiнен выкласцi каля Br60 тыс. Пры вялiкiм радыусе колаў кошт даходзiць да Br120. Па словах спецыялiстаў, гэта звязана з вялiкай колькасцю ахвотных памяць гуму. У Кобрыне два падлеткi забiлi настаўнiка. Цела настаўнiка школы-iнтэрната для дзяцей, якiя слаба чуюць, са слядамi пабояў было знойдзена на вулiцы. Як высветлiла следства, яго пабiлi два навучэнцы аднаго з кобрынскiх каледжаў. Прычынай злачынства стаў сотавы тэлефон i Br650 тыс., якiя маладыя бандыты прыўлашчылi. Узбуджана крымiнальная справа. У Беларусi з’явiлiся першыя ахвяры кляшчоў. Ад укусаў крывасмокаў пацярпелi 12 чалавек, у т.л. 7 дзяцей. ПОЎНЫ АБЗАЦ
Каля 30 гадзiн удалося праехаць прышпiленым да днiшча аўтобуса выхадцу з Афганiстана, каб пераканацца, што ён прыбыў не ў тую краiну, куды планаваў. 19-гадовы малады чалавек, якi марыў iмiграваць у Італiю, трымаў свой шлях з Афiн. Пераблытаўшы аўтобусы, ён прывязаў сябе рамянём да днiшча аўтобуса, якi ехаў зусiм iншых шляхам. Нелегал праехаў праз Македонiю, Сербiю, Венгрыю i Славакiю. У канцы 2800-кiламетровай паездкi яго выявiлi механiкi. Яны выцягнулi вандроўнiка са сховiшча i пачулi толькi адно пытанне: гэта Iталiя? Аднак гэта была Польшча. Чалавек быў замерзлы, моцна стомлены i жудасна галодны. Iм зоймуцца службы па незаконнай мiграцыi. З фiлiяла банка ў Пецярбургу скралi банкамат. Апоўначы ў банк уварвалiся тры мужчыны ў насунутых на твар кепках. Яны блакавалi двух ахоўнiкаў, i скралi банкамат i павезлi яго на аўтамабiлi. Як вызначылi супрацоўнiкi мiлiцыi, што прыбылi неўзабаве, апошнi раз грошы ў банкамат закладвалiся 6 красавiка. Сума скрадзенага высвятляецца. План "Перахват" вынiкаў не даў. У беларускiх крамах можна часам убачыць незвычайны далiкатэс — каўбаса з шакаладам. Каўбаса "Мiланская" амаль нiчым не адрознiваецца ад паляўнiчых каўбасак, але складаецца з 97% свiнiны i 3% шакаладу. Такую прадукцыю выпускае Кобрынскi мясакамбiнат. Як кажуць, на любы густ...
Паводле паведамленняў карэспандэнтаў "Звязды" і інфармагенцтваў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Каля 30 гадзiн удалося праехаць прышпiленым да днiшча аўтобуса выхадцу з Афганiстана, каб пераканацца, што ён прыбыў не ў тую краiну, куды планаваў. |
|