ШТО Ш ВАС ДОБРАГА?

Источник материала:

— Калi гаварыць пра працу, дык мы нядаўна — 29 сакавiка — адкрылi ў горадзе сваю новую харчовую краму. Гэта вельмi добрая падзея для ўсяго нашага калектыву, якi прыклаў шмат намаганняў для ажыццяўлення такiх планаў, дый, думаю, для ўсiх гараджан. Што да асабiстага... Сын ажанiўся (смяецца). Яшчэ летась, праўда, аднак я дагэтуль адчуваю радасць, што ў нашу сям’ю ўвайшоў новы чалавек! Так, агульную мову з нявесткай мы ўжо знайшлi (смяецца)! Зноў жа — вясне радуюся. Калi сонейка, цяпло, прырода абуджаецца — заўсёды зусiм iншы настрой, усе праблемы вырашаюцца неяк хутчэй!

— Машыну купiла! Падчас крызiсу (смяецца)! Зразумела, брала крэдыт, бо на зарплату культработнiка такую пакупку не зробiш. Дарэчы, нiчога загадзя не планавала, гэта ўсё дзякуючы дачцэ, якая пайшла на курсы ваджэння, а я ўжо — разам з ёй. Сама не чакала, што буду атрымлiваць такое задавальненне ад ваджэння, вельмi люблю хуткасць! У нас ёсць вялiкi сабака, дык ён таксама любiць хуткую язду.

А яшчэ да мяне вярнуўся муж. Напэўна, мы абодва сталi больш цярплiвымi, навучылiся прызнаваць i дараваць памылкi. У рэшце рэшт, поспех — гэта вучоба на памылках. Я ўвогуле лiчу сябе пазiтыўнай асобай, з такiм вось стрыжнем. Зараз многiя кажуць пра крызiс, а я яму проста забараняю: не падыходзь да мяне, не чапай. Шмат залежыць ад унутранага самаадчування, а страх паралiзуе. Таму найперш не трэба баяцца, хоць бы сабе i таго крызiсу. Нават у iм лепш шукаць нейкiя станоўчыя моманты, напрыклад, што ён дапаможа зняць з нас нешта штучнае, наноснае.

— Дачка сёлета заканчвае аддзяленне сацыялогii гiстарычнага факультэта Гродзенскага ўнiверсiтэта. Iдзе на "чырвоны" дыплом. Гэта будзе ўжо трэцяя навучальная ўстанова, якую яна закончыць, i другая з iх — разам з тэхнiкумам — калi атрымае, спадзяёмся, дыплом з адзнакай. Усе мы гэтаму вельмi рады. Хвалюемся крыху, вядома ж, за далейшае працаўладкаванне — яна ўжо рабiла спробы знайсцi для сябе месца будучай працы, але цяпер больш пераважае радасны настрой. Дарэчы, i другая дачка вучыцца стабiльна. Добра, што ўсе сямейнiкi здаровыя. А яшчэ нядаўна мае бацькi адзначылi 50-годдзе сямейнага жыцця. Вось усё гэта найперш, лiчу, i ёсць добрае ў маiм жыццi.