Пад колы трапІлI тры пешаходы

Источник материала:

У Мінску ў нядзелю 28-гадовая кіроўца "Фольксвагена Гольф" на вуліцы Нарачанскай пасля наезду на "Сітраен", што стаяў ля краю праезнай часткі, учыніла наезд на трох пешаходаў, якія перасякалі праезную частку.

Аднаго з пешаходаў, маладога чалавека 1987 года нараджэння, ад удару адкінула на аўтамабіль "Мазда", якія стаяў ля краю праезнай часткі: сваім целам пацярпелы разбіў задняе ветравое шкло. У яго пералом галоўкі левай лучавой косці. У 17-гадовай дзяўчыны і 21-гадовага маладога чалавека сінякі і драпіны.

Цела 24-гадовага вайскоўца адной з вайсковых часцей было знойдзена ранiцай у рацэ Свiслач ля дома 2 па вулiцы Кастрычнiцкай i выцягнутае з вады. Паводле звестак ГУУС, бачных прыкмет гвалтоўнай смерцi пацярпелага не было.

11 красавiка ранiцай у Бабруйскiм раёне паблiзу вёскi Дойнiчава 23-гадовы мiнчанiн на аўтамабiлi "Мазда" на закругленнi дарогi не справiўся з кiраваннем, з’ехаў у кювет i абрынуўся ў сажалку, дзе машына патанула. У вынiку пасажыркi, 50-гадовая жанчына i 3-гадовая дзяўчынка, ледзь не патанулi i цяпер шпiталiзаваныя.

12 красавiка ў Асiповiцкiм раёне паблiзу пасёлка Ялiзава 29-гадовы бабруйчанiн, якi ехаў на аўтамабiлi "Аўдзi-80", не справiўся з кiраваннем, з’ехаў у кювет i перакулiўся. У вынiку 18-гадовы пасажыр ад атрыманых траўмаў памёр на месцы.

У гэты ж дзень надвячоркам на аўтадарозе "Магiлёў — Мiнск" паблiзу раённага цэнтра Бялынiчы 30-гадовая магiляўчанка за рулём аўтамабiля "Фальксваген Пасат" наўдалую пайшла на абгон там, дзе ён быў забаронены, i стварыла аварыйную сiтуацыю. Але пацярпеў не "Фальксваген Пасат", а iншыя аўтамабiлi, якiя ехалi побач. "Фальк-сваген Пола", якi iмкнулася абагнаць магiляўчанка, сутыкнуўся з сустрэчнай "Маздай": 25-гадовая вадзiцель "Мазды" i дзве пасажыркi атрымалi траўмы i шпiталiзаваныя.

У нядзелю ў Магiлёве 21-гадовая гараджанка на аўтамабiлi "Фальк-сваген Гольф" на вулiцы Першамайскай у цэнтры горада сутыкнулася з машынай "хуткай дапамогi", якая рухалася з уключанай гукавой i светлавой сiгналiзацыяй. Пасля гэтага "Фальксваген" сутыкнуўся яшчэ з двума "Фордамi". Траўмы атрымала 19-гадовая дзяўчына, якая ехала пасажыркай у "Фальксвагене".

Таксама 12 красавiка ў абласным цэнтры 37-гадовы вадзiцель маршрутнага таксi на вулiцы Алтайскай наехаў на 2-гадовую дзяўчынку. Мацi з двума дзецьмi ехала ў маршрутцы i на прыпынку спачатку вывела з салона дзяўчынку, а потым пацягнулася за iншым дзiцем. Пакуль мацi была занятая, малая стала перад мiкрааўтобусам. Вадзiцель не заўважыў яе i крануўся з месца. У дзiцяцi — чэрапна-мазгавая траўма i пералом нагi.

На вадаёме ў в. Люсiна Ганцавiцкага раёна ўтапiлася 5-гадовае дзiця. Малое гуляла на беразе, з якога i ўпала ў ваду. Побач нiкога з дарослых не было, i дапамагчы няшчаснаму дзiцяцi не было каму.

Трагедыi здарылiся, як гаворыцца, з-за нядбайнасцi асобных людзей. Напрыклад, у маладой сям’i з вёскi Забалоцце Рагачоўскага раёна не было часу для сваiх малых дзетак — дзяўчынкi 2006-га i хлопчыка 2007 года нараджэння. Бацькоў iхнiх, якiх не выхоўвала грамадскасць, нiхто не мог адвучыць ад выпiвак i антысанiтарыi. Стаяла пытанне аб перадачы дзяцей у прытулак. Ды не паспелi мясцовыя органы ўлады гэта зрабiць. У адсутнасць бацькоў малыя, вiдаць, забаўлялiся з запалкамi.

А што гаварыць аб адказнасцi жыхаркi гарадскога пасёлка Карма, калi яна пайшла ў госцi з двухгадовай дачкой i пакiнула яе на вулiцы без нагляду. Да самага вечара. Кiнулiся шукаць малую, калi апусцiўся змрок на зямлю. Знайшлi трупiк у пограбе новабудоўлi, запоўненым вадой. У той жа дзень узнiк пажар у адным доме ў Мазыры, дзе ў кватэры знаходзiлася дзяўчынка 2004 года нараджэння. Ратавальнiкi выцягнулi яе з вогненнага пекла, але яна памерла ў бальнiцы.

Смерць напаткала таксама i дзвюх жанчын з гарадоў Рэчыца i Светлагорск. Прычынай стала адно i тое ж: курылi ў ложку ды заснулi. Наогул жа за мiнулыя выхадныя ў вобласцi "чырвоны певень" 25 разоў "прагульваўся" па населеных пунктах некалькiх раёнаў.

Калi ноччу на парозе сваёй кватэры ў доме па вул. Мiцкевiча ў Брэсце гаспадары ўбачылi сапёраў са службовым сабакам, то не маглi ўцямiць, у чым справа. Перапалоханым людзям растлумачылi, што ў iх кватэры закладзена мiна, i папрасiлi пакiнуць дом.

У кватэры нiчога не знайшлi, а выезд сапёрна-пiратэхнiчнай групы справакаваў жыхар Брэста, якi патэлефанаваў у мiлiцыю i даў iлжывае паведамленне. "Мiнёра" затрымалi.

Каля в. Пецькi Кобрынскага раёна глыбокай ноччу супрацоўнiкi мiлiцыi затрымалi пяць аўтамашын, якiмi кiравалi беспрацоўныя.

Пры аглядзе транспарту было канфiскавана адзення на 130 млн рублёў: на тавар не было дакументаў.

11 красавiка ўдзень прама з поля паблiзу вёскi Траецкае Асiповiцкага раёна была дастаўлена ў бальнiцу 24-гадовая рабочая калгаса "Лапiчы". Жанчына атрымала шматлiкiя пераломы на працоўным месцы: яе прыцiснула платформа трактарнага прычэпа, калi яна запраўляла механiзм салетрай для апрацоўкi глебы ўгнаеннямi.

10 красавiка ў Магiлёўскую бальнiцу № 1 з кватэры была дастаўлена ў бальнiцу са шматлiкiмi тэрмiчнымi апёкамi 78-гадовая пенсiянерка. Жанчына знаходзiлася ў апёкавым шоку i не выжыла: у гэты ж дзень увечары яна памерла. Высветлiлася, што прычынай яе стану стала неасцярожнае абыходжанне з кухоннай газавай плiтой.