А ў Чачэрску была асамблея...

Источник материала:

Не будзем пералiчваць усе беды, якiмi "мiрны" атам захлiснуў раён, але адзначым, што распрацаваная дзяржаўная праграма па мiнiмiзацыi наступстваў чарнобыльскай трагедыi i Закон "Аб сацыяльнай абароне грамадзян, якiя пацярпелi ад катастрофы на ЧАЭС" паступова рабiлi сваю справу: сiтуацыя паляпшалася. I паляпшаецца цяпер. Будавалася жыллё, пракладвалiся дарогi, водаправоды, праводзiўся газ, у медыцынскiя ўстановы набывалася новае абсталяванне i г.д. Шэраг населеных пунктаў перайшоў з зоны з правам на адсяленне ў зону пражывання з перыядычным радыяцыйным кантролем, а iншыя вёскi — з зоны наступнага адсялення ў зону з правам на адсяленне. Працуюць школы, клубы, развiваецца мастацтва, культура, спорт. Раён, адным словам, жыве, глядзiць у будучыню, што зусiм не азначае, што тут у пераадоленнi наступстваў чарнобыльскай катастрофы ўжо ўсё зроблена як мясцовымi органамi ўлады, так i з дапамогай вышэйшых уладаў.

Днямi ў райцэнтры адбылася асамблея пад назвай "Дыялог кiраўнiцтва Гомельскай вобласцi з актывам i насельнiцтвам Чачэрскага раёна" i свята беларускай музыкi "Чачэрскiя сустрэчы-2009". Сёлета райцэнтру спаўняецца 850 гадоў, i на парадку дня паўстала побач з iншымi пытанне: з чым раён iдзе да гэтай падзеi, якая дапамога патрэбна.

Даўшы "запеўку" дыялогу, старшыня абласнога Савета дэпутатаў Валерый Сялiцкi нагадаў, што сёння ва ўмовах фiнансава-эканамiчнага крызiсу, якi не абышоў i нашу рэспублiку, часы няпростыя, таму ажыццявiць раней намечанае будзе нялёгка, але будзе зроблена ўсё, што абласнымi службамi па сiлах на гэты момант, калi ў "запрэжцы" з iмi будзе i раён, калi апошнi не будзе ў ролi назiральнiка. Ды такога быць не можа, у тон яму адказаў старшыня райвыканкама Iван Ком.

Слушнымi былi пытаннi, якiя задавалi прадстаўнiкi працоўных калектываў i грамадскасцi раёна. Напрыклад, цi нельга выдзелiць грошы для асфальтавання цэнтральных вулiц горада i пад’ездаў да школ у райцэнтры ў суме 12 мiльярдаў рублёў, бо асфальта-бетоннае пакрыццё на iх прыйшло ў непрыдатнасць? Цi будзе пракладзены водаправод па вулiцы Акцябрскай, цi знойдуцца грошы для рэканструкцыi гарадскога парку? Высветлiлася, што на рэканструкцыю парку прадугледжана выдзелiць, згодна з адпаведным рашэннем аблвыканкама, паўтара мiльярда рублёў. На добраўпарадкаванне вулiц i тэрыторый у два апошнiя гады раён выкарыстаў 885 мiльёнаў рублёў. Сёлета, згодна з пратаколам даручэнняў Прэзiдэнта краiны, праектам пастановы Урада мяркуецца павелiчэнне лiмiтаў фiнансавання Дзяржаўнай праграмы па пераадоленнi наступстваў катастрофы на Чарнобыльскай АЭС за кошт сродкаў, якiя выслабаняюцца ў сувязi з прыняццем Закона "Аб дзяржаўных сацыяльных iльготах, правах i гарантыях для асобных катэгорый грамадзян".

Будзе разгледжана i наступная праблема. На тэрыторыi раёна знаходзiцца комплекс па пахаваннi таксiчных прамысловых адходаў вобласцi, а плацяжы ў бюджэт, у тым лiку i экалагiчны падатак, накiроўваюцца ў бюджэт Гомеля. Сума немалая — 136,2 мiльёна рублёў летась. Лiшнiмi яны ў раёне не будуць. З прычыны таго, што фактычная дзейнасць комплексу ажыццяўляецца на тэрыторыi Чачэршчыны, ён павiнен змянiць юрыдычны адрас з усiмi наступнымi вынiкамi.

На асамблеi была дасягнута дамоўленасць на будаўнiцтва ў перспектыве новай малочнатаварнай фермы на 700 галоў буйной рагатай жывёлы ў КСУП "Бацвiнава" i выдаткаванне сёлета 704 мiльёнаў рублёў адкрытаму акцыянернаму таварыству "Чачэрск- агратэхсэрвiс" для ўводу ў вытворчы працэс рамонтнай майстэрнi i станцыi тэхнiчнага абслугоўвання трактароў.

Далей. Iнфраструктура горада Чачэрска склалася так, што два яго прамысловыя прадпрыемствы — вiнзавод i РДПТУП "Надзея" займаюць 93 працэнты ў агульным аб’ёме прамысловай вытворчасцi. Першы, якi надзейна i з прыбыткамi працаваў у мiнулыя гады, апошнiм часам па розных прычынах здаў свае пазiцыi i для далейшай дынамiчнай работы тут неабходна ствараць новыя вытворчасцi канцэнтраваных сокаў, глыбокай замарозкi пладоў i ягад. Цi магчыма дзяржаўная фiнансавая падтрымка гэтага, пыталiся работнiкi вiнзавода.

Адказ быў такi. У камiтэце па сельскай гаспадарцы i харчаваннi аблвыканкама разглядаецца пытанне аб уключэннi Чачэрскага вiнзавода ў праграму "Пладаводства" з выдзяленнем матэрыяльных рэсурсаў на набыццё саджанцаў. Да ста гектараў садоў, якiя перададзены заводу сельгаспрадпрыемствамi раёна, i 20 гектараў кустоўя прадпрыемству выдзелена 40 гектараў ворыва пад пасадку ягаднiкаў, што, вядома, добра. Аднак бiзнэс-планы па гэтых напрамках развiцця вытворчасцi не распрацаваны, i ў фiнансавае ўпраўленне аблвыканкама нiхто не звяртаўся адносна аказання прадпрыемству дзяржаўнай падтрымкi. Так што пытанне патрабуе больш дэталёвага вывучэння.

Дадатковыя прапрацоўкi патрабуюцца i пры вырашэннi пытання будаўнiцтва тыпавых рамонтных майстэрняў на 25 умоўных працоўных месцаў у КСУПах "Вазнясенск" i "Нiсiмкавiчы".

На гэтым пытаннi фiнансавай дапамогi раёну з мэтай яго далейшага развiцця не закончылiся. Бо паступiла прапанова аказаць яе для арганiзацыi новых прамысловых вытворчасцяў, выкарыстоўваючы мясцовую сыравiну. Мелiся на ўвазе залежы крэйды ў наваколлях вёсак Залессе, Валосавiчы i Нiсiмкавiчы.

Сапраўды, адзначалася на асамблеi, радовiшча крэйды ў Нiсiмкавiчах ўключана ў спiс разведаных нераспрацаваных залежаў цвёрдых карысных выкапняў вобласцi, але для падрыхтоўкi радовiшча да прамысловага асваення неабходна яшчэ выканаць дадатковыя геолага-разведвальныя работы, i да 2010 года яны не прадугледжаны.

Што ж датычыцца пытанняў фiнансавання раёна за кошт сродкаў рэспублiканскага фонду аховы прыроды, дык у 2007—2008 гадах было накiравана iх сюды ў суме 1300 мiльёнаў рублёў, што ў два разы перавышае суму, якая паступiла ў той фонд з раёна. Сёлета ж у выглядзе субвенцый аблвыканкама раён атрымае фiнансавыя сродкi на лiквiдацыю крынiц забруджвання паверхневых i грунтовых водаў сцёкамi жывёлагадоўчых фермаў i комплексаў, на прыродаахоўныя мерапрыемствы на малочнатаварных фермах, якiя будуюцца, i на развiццё дзейнай i стварэнне дадатковай iнфраструктуры аграгарадкоў, знос непрыдатных сельскагаспадарчых збудаванняў, рэкультывацыю зямель.