За тры месяцы нарадзiлася 26,9 тысячы дзяцей

Источник материала:

Сёлета ў першым квартале ў рэспублiцы нарадзiлася 26,9 тысячы дзяцей, што на 1,6 тысячы чалавек больш, чым за мiнулагоднiя студзень-сакавiк, памерла 35,9 тысячы чалавек, цi на 0,9 тысячы чалавек больш. Колькасць зарэгiстраваных шлюбаў павялiчылася на 4,9%, а разводаў скарацiлася на 1,5%. За згаданы перыяд у рэспублiку прыбыло 4435 чалавек, выбыла 1605, мiграцыйны прырост склаў 2830 чалавек.

Праца гарадскiх аўтобусных маршрутаў будзе арганiзавана: 1 i 3 мая — па графiку нядзельных дзён, 2 мая — па графiку суботнiх. Тралейбусныя i трамвайныя маршруты будуць працаваць: 1 i 2 мая — па графiку суботнiх, 3 мая — па графiку нядзельных дзён. Праца прыгарадных аўтобусных маршрутаў прадугледжана па наступным графiку: 30 красавiка i 8 мая — як па пятнiцах, 1—2 i 9 мая — як па суботах, 3 i 10 мая — як па нядзелях.

28 красавiка каля 20 гадзiн у Слаўгарадзе з балкона жылога дома выпала 3-гадовае дзiця. Няшчасны выпадак здарыўся з прычыны неасцярожнасцi. Хлопчык Арсень цяпер у Слаўгарадскай бальнiцы: у яго пераломы бядра i ключыцы, а таксама чэрапна-мазгавая траўма. Медыкi сёння ацэньваюць стан малога як сярэдняй цяжкасцi i мяркуюць перавезцi яго ў Магiлёў да траўматолагаў. "Хлопчык мае патрэбу ў сур’ёзным лячэннi, але, дасць Бог, усё абыдзецца", — кажуць слаўгарадскiя ўрачы.