Польшча — у пералiку краiн, дзе засвяцiўся вiрус свiнога грыпу

Источник материала:

Нягледзячы на ўсе разважаннi скептыкаў, што панiка вакол свiнога грыпу iграе галоўным чынам на карысць фармацэўтычных вытворцаў, небяспечны штам працягвае заваёўваць усё новыя тэрыторыi. Так, толькi за адны суткi ў Еўропе былi пацверджаны 17 новых выпадкаў захворвання людзей на грып А/H1N1. Прычым да краiн, дзе ўпершыню быў выяўлены небяспечны вiрус, далучылiся Швецыя i Польшча. Медыкi варшаўскага iнфекцыйнага шпiталя пацвердзiлi iнфiцыраванне вiрусам грыпу А/H1N1 58-гадовай жанчыны, якая вярнулася ў Польшчу з ЗША. Жанчына знаходзiцца цяпер у iнфекцыйным аддзяленнi, стан пацыенткi застаецца стабiльным. У Іспанii агульная колькасць носьбiтаў вiруса перавысiла 80 чалавек. Пад наглядам урачоў з падазрэннем на свiны грып застаюцца яшчэ 49 чалавек. Усяго на еўрапейскiм кантыненце лабараторна пацверджаны 142 выпадкi захворвання ў 13 еўрапейскiх краiнах. У Вялiкабрытанii выяўлены 32 захварэлыя, у Францыi — 7, у Германii — 9, у Iталii — 5 i г.д. За межамi Еўропы на ранiцу 7 мая было пацверджана ў агульнай складанасцi 2075 выпадкаў iнфiцыравання новым грыпам i 44 смяротныя выпадкi. У Злучаных Штатах Амерыкi колькасць iнфiцыраваных дасягнула ўжо 745 чалавек...