Беларусбанк запрашае

Источник материала:

Паводле слоў дырэктара фiлiяла № 514 ААТ "ААБ Беларусбанк" Андрэя КУЛIКА, у новым аддзяленнi створаны ўсе ўмовы для абслугоўвання насельнiцтва.

Юрыдычным i фiзiчным асобам квалiфiкаваныя спецыялiсты аддзялення будуць аказваць больш за 130 вiдаў паслуг. Маецца тут i Iнфакiёск, дзе прымаюцца безнаяўныя плацяжы.

— Усё iдзе да таго, што колькасць людзей у чэргах змяншаецца за кошт павелiчэння безнаяўных разлiкаў, — кажа Андрэй КУЛIК. — Толькi ў нашым фiлiяле за красавiк безнаяўныя разлiкi склалi больш за 20 % ад агульнага абароту. Усiх заклiкаю карыстацца Iнтэрнэт-банкiнгам ААТ "ААБ Беларусбанк". Я асабiста ўсталяваў дома камп’ютар i, не выходзячы з дому, аплачваю ўсе вiды паслуг. Гэта вельмi зручна.

— Да 65-годдзя вызвалення нашай краiны ААТ "ААБ Беларусбанк" праводзiць дзве акцыi для ветэранаў i iнвалiдаў ВАВ, былых вязняў фашысцкiх канцлагераў, — распавядае галоўны спецыялiст аддзела крэдытавання насельнiцтва аддзялення № 514/400 ААТ "ААБ Беларусбанк" Людмiла Яўневiч. — Гэта, па-першае, знiжэнне ў два разы працэнтнай стаўкi па крэдытах, якiя былi выдадзены раней, па-другое, у перыяд з 1 мая па 1 кастрычнiка гэтага года можна атрымаць льготны крэдыт на спажывецкiя патрэбы (на тавары айчыннай вытворчасцi) тэрмiнам да 5 гадоў пад 14 % гадавых. Сума крэдыту не павiнна перавышаць 5 мiльёнаў беларускiх рублёў. Для таго каб атрымаць крэдыт, гэтай катэгорыi грамадзян патрэбна паказаць пасведчанне ўдзельнiка ВАВ, пашпарт i рахунак-фактуру выбранага тавару. Паручыцель для атрымання гэтага льготнага крэдыту не патрэбны.

Як паведамiлi ў аддзеле крэдытавання фiлiяла № 514 ААТ "ААБ Беларусбанк", ветэраны яшчэ не паспелi скарыстацца льготным крэдытам, бо занятыя падрыхтоўкай да свята. Але, нягледзячы на гэта, iх родныя ўжо звярталiся да нас па кансультацыю.