За аднаго Баскава чатырох iншых артыстаў даюць

Источник материала:

Дзённік фестывалю

У вынiку месца старшынi журы занята iншым пастаянным i любiмым госцем фестывалю — прафесiйны творчы суд узначалiла Лайма Вайкуле, якая таксама дасць прэс-канферэнцыю на адной з традыцыйных "Зорных гадзiн". Такiм чынам знiкла адна з iнтрыг конкурсу — па чутках, Баскаў пратэжыраваў сёлетняга прадстаўнiка Расii Дзмiтрыя Данiленку, якi таксама, як "залаты голас Расii", праяўляе цiкавасць да оперы i папулярнай музыкi, а ў актыве мае перамогу на леташнiм мiжнародным конкурсе "Рамансiяда" (i асабiсты прыз Баскава).

У канцэрце адкрыцця замест заслужанага артыста выступiла менш заслужаная, але не менш запатрабаваная ў публiкi эстрадная пара Анжалiка Варум i Леанiд Агуцiн, дый на канцэрце майстроў Расii, прыадкрыем сакрэт, не было б тое, было б што другое — на замену Мiкалаю Баскаву выйдзе Аляксандр Малiнiн.

Роўным лiкам 600 журналiстаў навыперадкi ганяюцца за самай свежай, самай важнай i, натуральна, самай цiкавай iнфармацыяй. Тым больш, яе як нiколi многа: толькi на галоўнай фестывальнай пляцоўцы, у Летнiм амфiтэатры Вiцебска, пройдзе больш як 20 розных мерапрыемстваў — сольных i зборных канцэртаў, дабрачынных праграм, конкурсаў. Свае вялiкiя прэзентацыi падрыхтавалi краiны-сябры фестывалю — Казахстан, Iзраiль, Латвiя.

Латвiйская праграма сёлета як нiколi насычаная i разнастайная, а дэлегацыя — трэцяя па прадстаўнiчасцi пасля Беларусi i Расii, звыш 100 чалавек. Менавiта Латвiя зробiць у Вiцебску асаблiвы iнтэрнацыянальны падарунак — пакажа спектакль Рыжскага рускага тэатра iмя Чэхава "Адэса горад чараўнiцкi..." паводле "Адэскiх апавяданняў" Iсаака Бабеля з музыкай Райманда Паўлса. Пагадзiцеся — гэта варта бачыць! Як варта пабываць на адкрыццi Горада майстроў "Славянскi падворак" з удзелам не толькi 150 народных майстроў з Беларусi, але таксама гасцей са Смаленска i Пскова. Упрыгажэннем праекта, як абяцаюць арганiзатары, стане конкурс "маляванкi" — маляванага дывана, i выстава майстра гэтага жанру, самабытнага беларускага мастака Язэпа Драздовiча. Таму не дзiва, што гасцей у горадзе чакаецца як нiколi многа — нягледзячы на ўзмоцненыя меры бяспекi i зону цвярозасцi, якая ахоплiвае асноўныя фестывальныя пляцоўкi. Зрэшты, на апошнi фактар госцi не скардзяцца — кажуць, што iх п'янiць дух творчасцi i асаблiвай беларускай гасцiннасцi...