Што перашкаджае эфектыўнай дэбюракратызацыi?

Источник материала:

Галоўнае, што ўскладняе працэс дэбюракратызацыi дзяржаўных органаў Беларусi — недастатковая iнфармаванасць грамадзян аб сваiх правах. Такiя вынiкi сацыялагiчнага даследавання, праведзенага iнфармацыйна-аналiтычным цэнтрам пры Адмiнiстрацыi Прэзiдэнта Рэспублiкi Беларусь. Разам з тым за апошнiя два гады ўдзельная вага рэспандэнтаў, якiя адзначылi гэтую праблему, значна зменшылася (з 57 да 39 працэнтаў). Таксама, паводле меркавання ўдзельнiкаў апытання, далейшай дэбюракратызацыi перашкаджае слабы кантроль за ходам выканання заканадаўства на месцах — гэта адзначылi 32,1 працэнта рэспандэнтаў. Сярод iншага ўдзельнiкi апытання называлi адсутнасць належных мераў па спрашчэннi адмiнiстрацыйных працэдур, неэфектыўнасць сiстэмы электроннага дакументазвароту.

Удзельнiкi апытання адзначылi, што iм больш за ўсё не хапае ўважлiвага i паважлiвага стаўлення з боку чыноўнiкаў, i параiлi ўдасканалiць арганiзацыйна-прававую базу работы з грамадзянамi: павысiць аператыўнасць вырашэння пытанняў, зменшыць дакументазварот, зрабiць больш жорсткiм кантроль за работай чыноўнiкаў, увесцi папярэднi запiс i г. д.