Главная
Гороскопы
Для прадпрымальнiкаў будуць створаны ўмовы для выгаднай працы на экспарт
Для прадпрымальнiкаў будуць створаны ўмовы для выгаднай працы на экспарт
Прадпрымальнiкi прапанавалi разгрузiць таварныя запасы на беларускiх прадпрыемствах, але папрасiлi Урад стварыць для гэтага адпаведныя ўмовы — каб працаваць на экспарт стала выгадна. I, хутчэй за ўсё, такiя ўмовы будуць створаны. Пра гэта паведамiлi на прэс-канферэнцыi ў Беларускiм саюзе прадпрымальнiкаў пасля нарады з прадстаўнiкамi Урада. Аляксандр Калiнiн, старшыня БСП, расказаў, што прадпрымальнiкi ўнеслi свае прапановы па стварэннi льготных i выгадных умоў для экспарту IПэшнiкамi беларускiх тавараў, што Урад з iмi згадзiўся, i што хутка трэба чакаць адпаведнага ўказа Прэзiдэнта. У прыватнасцi, прадпрымальнiкi прапануюць увесцi сiмвалiчны збор за экспартную дзейнасць у памеры адной базавай велiчынi за месяц, не абкладаць нiякiмi падаткамi месячны даход да 1000—1200 у.а., а таксама павялiчыць памер наяўных разлiкаў памiж суб'ектамi гаспадарання мiнiмум да 300 базавых велiчынь за дзень. Плюс вярнуцца да перагляду нормаў КаАП у частцы штрафаў, канфiскацый i залiшнiх абмежаванняў у перавозцы тавараў па тэрыторыi Беларусi. — Сiстэма на вываз тавараў павiнна быць iльготнай i простай. Бо ёсць псiхалогiя: калi прадпрымальнiк зарабляе на хлеб з маслам, а на iкру — не, то не кожны пойдзе з-за iкры на рызыку. А будзе льготная сiстэма, можна будзе пакiнуць былую дзейнасць i заняцца экспартам, — лiчыць Аляксандр Калiнiн. . У тым, што беларуская прадукцыя не залежыцца на прылаўках за мяжой, не сумняваецца Кацярына Чыжык, вiцэ-старшыня БСП, член Савета па развiццi прадпрымальнiцтва:— Беларускае за межамi рэспублiкi мае добры попыт. Прычым з павагай ставяцца i да самой рэспублiкi, i да тавараў. Ёсць iнтарэс i ў Прыбалтыцы, i ва Украiне, i ў Казахстане. Адзiнае, што тут — мытныя бар'еры. А вось Расiя добрая тым, што там таксама цiкавяцца нашай прадукцыяй, але няма бар'ераў. Кацярына Чыжык кажа, што нашая прадукцыя лёгкай прамысловасцi разлiчана не на элiту, а на сярэднi сегмент грамадзян, якi вельмi значны па ўсёй Расii, ад Масквы i далей. Яна расказала, што нават бачыла, як у Маскве на рынку турэцкiя рушнiкi прадавалi з надпiсам "беларускiя", а таксама прызналася ў любовi да беларускiх тавараў: — Наогул, я сама палюбiла беларускае таму, што яго любяць там, за мяжой. Я чую меркаваннi аб беларускай прадукцыi, i ў мяне нават гордасць з'явiлася, што наша прадукцыя добрая. Аднак пры ўсiм гэтым i Кацярына Чыжык, i Аляксанд Калiнiн папярэджваюць, што нi ў якiм разе нельга забараняць прадпрымальнiкам займацца iмпартам i прымушаць прадаваць беларускае. Трэба проста зрабiць для экспарту беларускiх тавараў выгадныя ўмовы, паказаць iншыя магчымасцi i варыянты, i прадпрымальнiкi самi гэтым зоймуцца. Дарэчы, прадстаўнiкi бiзнэс-супольнасцi адзначылi, што крокi Урада будуць даволi радыкальнымi i лiберальнымi, таму раяць зацiкаўленым прадпрымальнiкам ужо цяпер прыгледзець сабе асартымент, прапановы вытворцаў, рынкi i схемы збыту, каб адразу пасля выхаду ўказа пачаць працу. Нагадаем, што пачаткам гiсторыi паслужыў лiст у Саўмiн з прапановамi па стымуляваннi прасоўвання iндывiдуальнымi прадпрымальнiкамi прадукцыi лёгкай прамысловасцi за подпiсам Кацярыны Чыжык, дзе агучвалася гатоўнасць прадпрымальнiкаў экспартаваць беларускае, а таксама перашкоды на шляху гэтай iнiцыятывы. Прапановы атрымалi рэзананс у СМI, i 27 лiпеня Прэзiдэнт Аляксандр Лукашэнка заявiў, што дзяржава зацiкаўлена ў дапамозе бiзнэсменаў па рэалiзацыi складскiх запасаў. Павел БЕРАСНЕЎ.
Чтобы разместить новость на сайте или в блоге скопируйте код:
На вашем ресурсе это будет выглядеть так
Прадпрымальнiкi прапанавалi разгрузiць таварныя запасы на беларускiх прадпрыемствах, але папрасiлi Урад стварыць для гэтага адпаведныя ўмовы — каб пра |
|