Партал TUT.BY працягвае знаёміць вас з гераінямі аўтарскага праекта радыё "Культура" - "Горад жанчын". З 26 лютага па 13 сакавікаў мастацкай галерэі "Універсітэт культуры" (Палац Рэспублікі) прадстаўлены 30 партрэтаў і 30 інтэрв’ю з унікальнымі жанчынамі нашага горада. Пачуць інтэрв’ю дапаможа мабільны тэлефон, які падчас выставы ператворыцца ў аўдыёгід.
Горад жанчын
Яны жывуць побач. Магчыма, у суседнім доме ці пад’ездзе. Яны ходзяць па адных з намі вуліцах, дыхаюць адным паветрам і наведваюць тыя ж крамы. Аднак гэтыя ў поўнай меры зямныя жанчыны зробяць гонар любой краіне. Іх партрэты атрымліваюцца нібы сатканымі з усмешкі і позірку, выпадковых слоў, подыху і ледзь прыкметных рухаў. Гэта партрэты-ўражанні, партрэты-атмасферы. Хто ўсе гэтыя жанчыны?
Актрысы Таццяна Мархель і Зінаіда Зубкова, музыканты Таццяна Старчанка і Даша Мароз, балерыны Таццяна Яршова і Вольга Гайко, кампазітар Галіна Гарэлава, кінарэжысёр Галіна Адамовіч, культуролаг Юлія Чарняўская, а яшчэ мастачкі, псіхолагі, дызайнеры… У некаторых з іх вобразаў так многа, што складана вылучыць самую адметную грань іх таленту: Ганна Хітрык – актрыса і лідэр гурта “Дзеці дзяцей”, Дзіяна Балыка – драматург, псіхолаг і паэт, Святлана Бень – рэжысёр, актрыса, лідэр гурта “Сярэбранае вяселле”… Унікальныя. Непаўторныя. Зямныя. Усякія…
Пра што?
У хатняй атмасферы і размовы пра творчасць гучаць па-іншаму. Мы сустракаемся з нашымі гераінямі ў іх доме, каб пагаварыць пра жыццё па-за межамі сцэны ці майстэрні. Тут раскрываюцца іншыя, прыхаваныя за публічнасцю, грані – маці, жонкі, гаспадыні…
Аўтары:
Журналіст: Кацярына Сушкевіч. Аўтар і вядучая праграмы “Горад жанчын” на канале “Культура”.
Фатограф: Ягор Войнаў, пераможца фотаконкурсаў: “Драйв” (2007) (Беларусь), “Экалагічная фатаграфія”, “Эбсана” (Масква), “Млын моды” (2005) у намінацыі “Лепшы жаночы партрэт”. Персанальныя і сумесныя выставы ў Беларусі і Расіі.
Стыліст: Лаліта Угуран-Туміловіч, стыліст тэлепраектаў на АНТ, БТ, супрацоўніцтва з кампаніямі "Вэлком", "Кока-Кола", "Верту", "Мілавіца"; праца з эстраднымі выканаўцамі. Удзел у Russisan Fashion Week 2003, 2004, 2006 гг.; удзел у праектах “Славянскі базар”, “Еўрабачанне”.
Таццяна Старчанка
Горад жанчын. Кацярына Агеева
Старчанка Таццяна Генадзеўна. Музыкант, салістка-піяністка Беларускай дзяржаўнай філармоніі. Аўтар і мастацкі кіраўнік вечароў камернай і вакальнай музыкі “Музычная гасцёўня”. Пастаянны ўдзельнік музычных фестываляў у музеі-сядзібе Архангельскае (горад Масква), канцэртаў Расійскага Дома афіцэраў, Дзён культуры Рэспублікі Беларусь у Польшчы. Выпусціла 5 кампакт-дыскаў: “Руская музыка”, “Бах і Моцарт”, “Ф. Шапен”, “Музычная гасцёўня” і “Музыканты жартуюць”.
Сям’я: Маці – Старчанка Валянціна Іванаўна, баскетбалістка, член сборнай Расійскай Федэрацыі. Бацька – Старчанка Генадзь Паўлавіч, валейбаліст, суддзя міжнароднай катэгорыі. Муж - Якаў Трэмбавольскі і сын Кірыл.
У дзяцінстве была: вялікай дзяўчынкай у акулярах з вялікай жыццёвай марай быць артысткай. Заўсёды лідэр.
Станоўчымі якасцямі свайго характару лічыць: фантастычную жыццяздольнасць, аптымізм, пачуццё гумару, жаданне дапамагаць. Адмоўныя – адсутнічаюць. Лічыць, што магла б нарадзіцца мужчынам ды яшчэ з рысамі Казановы.
Заўсёды кіруецца прынцыпам: толькі тут і цяпер.
Любіць: жыццё, людзей, кахаць, аддаваць, радаваць і радавацца.
Не любіць: шэрасць і бяздарнасць. Непрыгажосць, хамства, смутак.
Крэда: Насуперак усяму.
Внимание! У вас отключен JavaScript, или установлена старая версия проигрывателя Adobe Flash Player.
Партал TUT.BY працягвае знаёміць вас з гераінямі аўтарскага праекта радыё "Культура" - "Горад жанчын". З 26 лютага па 13 сакавіка ў мастацкай галерэі "Універсітэт культуры" (Палац Рэспублікі) прадстаўлены 30 партрэтаў і 30 інтэрв’ю з унікальнымі жанчынамі нашага горада.
Главная
Гороскопы
