У Мінкультуры просяць увекавечыць месца смерці паўстанцаў Каліноўскага

19.05.2010 17:04 — Новости Культуры |

Размер текста:: A; A; A

Источник материала:

На Вілейшчыне хочуць надаць статус гісторыка- культурнай каштоўнасці месцу аднаго з баёў паўстанцкага атрада з царскім войскам у 1863 годзе.

З такой прапановай у Міністэрства культуры звярнуўся старшыня Беларускага добраахвотнага таварыства аховы помнікаў гісторыі і культуры Антон Астаповіч.

Месца, аб якім ідзе гаворка, знаходзіцца на ўскрайку вёскі Каралеўцы на Вілейшчыне. Тут, ва ўрочышчы Біты Лог, 5 чэрвеня 1863 года адбыўся бой паўстанцкага атрада на чале з Густавам Чаховічам. У выніку трыццаць адзін інсургент быў забіты.

У 2008 годзе ва ўрочышчы паўстаў памятны знак. Гэты быў адзін з крокаў па ўвекавечванні памяці паўстанцаў Анатолем Рогачам. У другім месцы краязнаўца хацеў паставіць памятны знак сёлета. Але ў сакавіку сп. Рогач памёр.