Гэты беларускі Сянкевіч

Источник материала:

— Калі выйшаў фільм «Дзікае паляванне караля Стаха», ён быў з цікавасцю сустрэты ў Еўропе. А калі стужка дэманстравалася ў Парыжы, карэспандэнт газеты «Правда» даў адпаведную карэспандэнцыю. Але ў рэдакцыі не паверылі, што нейкі беларускі Караткевіч мог напісаць такі прыгодніцкі сцэнар для фільма. І напісалі, што аўтар — польскі пісьменнік Караткевіч.

Першымі «Правду» атрымліваюць у ЦК. Адразу перапалохаліся: няўжо папрасіў палітычны прытулак. Званок на кватэру Караткевіча. Адказала яго жонка. І яна чуе спалоханы голас: «Дзе Уладзімір Сямёнавіч?» Жанчына таксама спалохалася, бо падумала, што муж выйшаў і ўвязаўся ў нейкую гісторыю. Зазірнула ў спальню, а ён яшчэ спіць. І мы яго пасля называлі «гэты беларускі Сянкевіч».