Дыскусія TUT: Як уратаваць лядашчыя архітэктурныя помнікі?

18 красавіка ва ўсім свеце будуць адзначылі Міжнародны дзень помнікаў і мясцінаў (International day for Monuments and Sites). Рыхтуючся да гэтай падзеі, TUT.BY зладзіў дыскусію адмыслоўцаў, якія разважалі аб тэхнічным стане архітэктурных помнікаў Беларусі. Больш дакладна — пра "дамы без даху".

Гэта сур'ёзная праблема для нашых гарадоў і мястэчак, калі падчас рамонту (рэканструкцыі) з будынкаў, помнікаў гісторыі здымаюць дах, пасля чаго перапыняюць будоўлю. У выніку аб’екты разбураюцца і гінуць. Чаму так адбываецца і як гэтага пазбегнуць? Што найперш — кансервацыя ці рэстаўрацыя і дзе знайсці грошы на тое і другое? 

Пра гэта і многае іншае ў эфіры TUT.BY-ТВ дыскутавалі начальнік Упраўлення па ахове гісторыка-культурнай спадчыны Міністэрства культуры Ігар Чарняўскі, галоўны архітэктар праектаў ААТ “Белтэхнадзор” Зміцер Мурашка, юрыст, дырэктар дабрачыннага фонду "Крэўскі замак" Вольга Кастрамінава, кіраўнік фонду "Любчанскі замак" Іван Пячынскі і намеснік старшыні Беларускага камітэту Міжнароднай рады па помніках і мясцінах (ІКАМОС) Цімох Акудовіч.