Расія павялічыла экспартную пошліну на нафту да $292

Источник материала:

Расія з сённяшняга дня павялічыла экспартную пошліну на нафту да $292,1 за тону. Гэта прадугледжана прынятай расійскім урадам пастановай. Ранейшы памер пошліны складаў $284 за тону нафты.

Экспартныя пошліны на светлыя нафтапрадукты павышаюцца з $203,7 да $209,1 за тону, на цёмныя нафтапрадукты — са $109,7 да $112,7 за тону.

Да светлых нафтапрадуктаў, на якія распаўсюджваюцца пошліны, адносяцца лёгкія дыстыляты, сярэднія дыстыляты, газойлі, бензол, талуол, ксілолы. Да ліку цёмных нафтапрадуктаў аднесены вадкае паліва, масла, адпрацаваныя нафтапрадукты, нафтавы вазелін, мінеральныя воскі і аналагічныя прадукты, нафтавы кокс, нафтавы бітум і іншыя рэшткі ад перапрацоўкі нафты або нафтапрадуктаў, атрыманых з бітумінозных парод.

Нулявыя экспартныя пошліны ўстаноўлены на нафтавы кальцынаваны кокс.

БЕЛТА