Пяты танкер з венесуэльскай нафтай для Беларусі прыбудзе ў Эстонію

Источник материала:

Венесуэльская нафта, якую даставяць пятым танкерам ў эстонскі порт, будзе перапрацаваная на ААТ «Нафтан». Папярэднія пастаўкі нафты з Венесуэлы ў Беларусь ажыццяўляліся праз Адэскі порт і прызначаліся для перапрацоўкі на Мазырскім НПЗ.

Пасля таго, як венесуэльская нафта будзе пастаўлена ў эстонскі порт, яе трэба зліць у ёмістасці. Пасля гэтага пачнецца пагрузка на чыгуначны транспарт. Нафту перавязуць цыстэрнамі. БЧ плануе задзейнічаць для гэтага 22–23 чыгуначных саставаў. Час перавозкі вуглевадароднай сыравіны па чыгунцы ў Беларусь з Эстоніі будзе меншым, чым з Украіны. Калі паміж Адэсай і Мазыром адлегласць каля 1051 км, то паміж портам Мууга і Наваполацкам — 850 км.

Пакуль не вядома, ці будзе венесуэльская нафта і ў далейшым пастаўляцца ў Беларусь праз эстонскі порт.

Пагадненне аб пастаўках венесуэльскай нафты ў Беларусь была падпісаная ў сакавіку бягучага года. Паводле дамоўленасцяў прэзідэнтаў дзвюх краін, агульны аб’ём яе пастаўкі павінен скласці за 12 месяцаў каля 4 млн.т. Першая партыя вуглевадароднай сыравіны з Венесуэлы (80 тыс.т) была дастаўлена ў марскі порт Адэсы ў канцы красавіка бягучага года. З Адэсы нафту перавезлі на Мазырскі НПЗ.