Асуджана выхавальніца Быценьскага дзіцячага дома

Такое рашэнне прыняў 17 красавіка суд Івацэвіцкага раёна.

20 лістапада 2009 года адзін з выхаванцаў дзіцячага дома залез на будаўнічыя рыштаванні, размешчаныя перад уваходам у спальны корпус дзіцячага дома, не ўтрымаўся і ўпаў. У выніку падзення 12-гадовы хлопчык атрымаў цялесныя пашкоджанні - пераломы касцей, удараныя раны і сінякі.

Дзеянні выхавальніцы кваліфікаваныя судом па ч. 1 арт. 165 Крымінальнага кодэкса (неналежнае выкананне абавязкаў па арганізацыі бяспекі жыцця і здароўя дзяцей). На працягу года папраўчых работ з яе будзе ўтрымлівацца 15% заработнай платы.

"Педагог не прызнала сябе вінаватай у інкрымінаваным ёй злачынстве і мае права абскардзіць прыгавор, які ў законную сілу яшчэ не ўвайшоў", - заўважыла Дзмітрук.