На Смаргоншчыне ноччу ў пажары загінуў мужчына

Источник материала:

У панядзелак, 22 красавіка, каля трох гадзін ночы 54-гадовага мужчыну выратавальнікі знайшлі загінулым у пажары ў вёсцы Вялікая Мыса.

Пра тое, што гарыць дом, паведаміла ў МНС сястра загінулага, якая жыве ў Смаргоні.

Ёй жа патэлефанавала маці, якая жыве ў некалькіх дамах ад мужчыны. Менавіта яна ўбачыла полымя.

Прычына пажару дакладна пакуль невядомая. Хутчэй за ўсё, здарэнне адбылося з-за таго, што мужчына быў нецвярозы і неасцярожна абышоўся з агнём.

Пра здарэнне расказаў дыспетчар цэнтра аператыўнага ўпраўлення Смаргонскага раённага аддзела па надзвычайных здарэннях Аляксандр Камок.

Настасся РОЎДА.

Фота 112.by.