Дапамажыце міліцыі

23.09.2013 — ЧП |

Размер текста:: A; A; A

Источник материала:

Маладзечанскі і Вілейскі райаддзелы міліцыі шукаюць зніклых.

Лукоўскага Сяргея Мечыслававіча, які нарадзіўся 13 красавіка 1965 года і жыве ў Маладзечне па вуліцы Велікасельскай. Трэцяга чэрвеня ён паехаў на заробкі ў Санкт-Пецярбург, і цяпер яго месцазнаходжанне невядомае.

Яму 48 год, рост 170. Хударлявы. Авальны твар, блакітныя вочы, прамыя цёмна-русыя валасы. Звонкі голас, яснае маўленне.

Мамай Алесю Іванаўну, нарадзілася 9 чэрвеня 1981 года, жыве ў Маладзечне па вуліцы 17 верасня. 30 жніўня яна паехала на рынак “Лябяжы” на пераборку агародніны і фруктаў, і цяпер месцазнаходжанне яе невядомае.

Ёй 31 год, рост каля 170. Сярэдняй паўнаты. Авальны бледны твар, чорныя вочы, верхнія вусны выступаюць, прамыя чорныя валасы. Звонкі голас і яснае маўленне.

Была апранутая ў чорную байку, карычневы гольф, цёмна-сінія джынсы, шлёпанцы. Пры сабе мела чырвоны пакет.

Пераканаўча просім усіх, хто штосьці ведае аб месцы знаходжання зніклых, паведаміць у Маладзечанскі РАУС па тэлефонах: 8(0176) 74-96-83, 77-03-12, 77-16-56 ці па тэлефоне 102.

Ураджэнца і жыхара вёскі Асавец Вілейскага раёна Міхаіла Цімафеевіча Новаша, 1947 года нараджэння.

Сёлета 31 ліпеня ён выпісаўся з інфекцыйнай бальніцы Валожына, пасля чаго аб яго месцазнаходжанні нічога невядома.

Прыкметы: на выгляд 70 гадоў, рост 165-170 см, пры хадзьбе сутуліцца, ходзіць няспешна.

Быў апрануты ў камуфляваны касцюм і гумовыя боты.

Просьба да тых, каму што-небудзь вядома аб месцы знаходжання Міхаіла Новаша, паведаміць у Вілейскі РАУС па тэлефонах: 8-01771 56462, 54100, м.т. 8 (044) 7451198 ці 102.

Маладзечанскі райаддзел міліцыі, аддзяленне крымінальнага вышуку Вілейскага райаддзела міліцыі.