Дзве жанчыны расказвалі бабулі пра дэнамінацыю і, пакуль тая ўнікала, абакралі

Источник материала:

Здарэнне адбылося на Вілейшчыне 29 лістапада. У той жа дзень узбудзілі крымінальную справу.

Жанчыны зайшлі ў хату да бабулі і прадставіліся “сацыяльнымі работнікамі”. Пачалі расказваць, што хутка адбудзецца дэнамінацыя і ці не хоча яна памяняць грошы.

Пакуль тая слухала, адна з жанчын скрала з-пад матраца гаспадыні дома тры мільёны рублёў.

– Не пускайце нікога ў хату, не праверыўшы дакументы, калі вам прадстаўляюцца сацыяльнымі ці яшчэ якімі работнікамі, – акцэнтуе ўвагунамеснік начальніка РАУС, начальнік міліцыі грамадскай бяспекі Андрэй Дударчык. – Такія махляры прыходзяць з адмысловай мэтай: праверыць, ці ляжаць грошы ў шафе, пад матрацам ды ў іншых упадабаных месцах захоўвання грошай.

Настасся РОЎДА.

Фота s019.radikal.ru