Яшчэ адно дзіця...

Трохгадовая дзяўчынка, якую ў мінскім двары збіла іншамарка, у ноч з аўторка на сераду памёрла ў бальніцы.

Нагадаем, трагедыя здарылася ў аўторак на вуліцы Розы Люксембург. Дзядуля разам з дзвюма ўнучкамі выйшаў у двор. Старэйшая з іх пабегла да пясочніцы, меншая — за ёй і апынулася пад коламі «Форда Мандэа».

Адкуль на яго шляху з’явілася дзяўчынка, 36-гадовы вадзіцель не заўважыў. Юлія Ганчарова, афіцыйны прадстаўнік Следчага камітэта, паведаміла, што, па папярэдніх даных, ва-дзіцель быў цвярозы і ўязджаў у двор на дазволенай хуткасці.

Вельмі сумна, але гэтая дзяўчынка ўжо трэцяе дзіця, якое ў чэрвені загінула пад коламі. Усяго ж з пачатку года ў аварыі трапіла больш за 160 дзяцей, 11 з іх памёрлі.