Дэмакратычныя актывісты правялі у Гомелі акцыю супраць Указу №60

Источник материала:

Як стала вядома "Народная Волі" некалькі сяброў Гомельскай арганізацыі Моладзі БНФ сабраліся а 14 гадзіне блізу цэнтральнага офіса Белтэлекам». Актывісты распаўсюджвалі сярод наведнікаў інтэрнэт-цэнтра улёткі з інфармацыяй аб нядаўна прынятым Указе №60, які накіраваны на рэгуляванне інтэрнэту.

Акцыя цягнулася больш за гадзіну і выклікала інтарэс як з боку праваахоўных органаў, так і звычайных грамаздян. Было распаўсюджана некалькі соцень улётак.

Як паведаміў адзін з лідэраў Моладзі БНФ г.Гомеля Павал Прывалаў, акцыя была разьлічана на людзей, якія пастаянна карыстаюцца інтэрнэтам.

 «Мы расказалі аб асаблівасцях новага закону, аб тым, што спецслужбы будуць мець магчымасьць чытаць прыватную перапіску, - гаворыць Прывалаў. – Нас сустракалі з вялікім зацікаўленнем, бралі ўлёткі на распаўсюд . Мы збіраемся працягваць падобныя акцыі, пакуль нас не пачуе ўлада.

Теги: Гомель