Валер Булгакаў: Злавесны знак усім нам

Источник материала:

Як просты грамадзянін, магу сказаць, што гэтая трагедыя выглядае надзвычай злавесным знакам для ўсіх нас. У тым ліку і для ўладаў, якім у такой сітуацыі трэба забяспечыць поўную празрыстасць расследавання справы.

Я не быў знаёмы з гэтым чалавекам, таму не магу меркаваць пра ягоныя асабістыя якасці. Калі ж дапускаць версію самагубства, то ёсць мізэрная магчымасць таго, што гэта стала вынікам нейкай няўпэненасці ў сілах апазіцыі, ва ўласным праекце.

Што да версіі пра магчымую датычнасць нашых спецслужбаў ці іншай сілы да смерці Бябеніна, то ў сітуацыі, калі ўсе нітачкі следства знаходзяцца ў руках акурат спецслужбаў, даказаць нешта будзе надзвычай складана.