Горныя лыжы ў Беларусі: дзе танней?

Источник материала:

Гарналыжны курорт у Сілічах.

Сілічы

Сілічы — месца, адразу скажам, дарагое. Напрыклад, двухмясцовы нумар у мясцовым гатэлі каштуе 242 тысячы за дзень. Калі параўнаць, гэта тыднёвы заробак настаўніка.

Але, напрыклад, чатырохмясцовы нумар (на сям’ю) за дзень абыдзецца танней: 352 тысячы.

Не надта адрозніваецца і кошт за катэдж — выбар на густ госця. У любы з коштаў уваходзіць сняданак у любімай усімі форме — шведскі стол. Можна ўзяць і «поўны пансіён», але цана тады вырасце прыкладна на 50%.

Аздараўляльны тур на тыдзень пацягне на 1 400 000 рублёў.

Што тычыцца непасрэдна лыжаў, то пад’ём на канатнай дарозе будзе каштаваць недзе пяць тысяч, а абанемент на дзень — 50 тысяч, калі дзень не выходны (у выходны — 65).

Коўзанне на «навучальнай» трасе каштуе 10 тысяч за гадзіну ці 40 тысяч за ўвесь дзень. Што трэба адзначыць, дык гэта «начныя тарыфы» — яны ніжэйшыя за дзённыя разы ў два.

Тое самае тычыцца і пракату астатняга: днём лыжы будуць каштаваць 6000 тысяч за гадзіну ці 20 000 за ўвесь дзень (у выходныя — 9000 і 25 000), лыжныя чаравікі — у той жа кошт, а палкі — 10 000 за дзень.

Арганізаваць сабе «дзень лыжніка» ў Сілічах можна, а вось прыехаць туды на тыдзень здолее не кожны.

Лагойск

«Лагойск» заўжды лічыўся таннейшым за Сілічы. Нумар у мясцовым гатэлі каштуе 150 тысяч за дзень, што значна менш за Сілічы. А яшчэ ў Лагойску існуюць еўрапейскага тыпу домікі¬шале, якія каштуюць трошкі даражэй за гатэль. Папулярнасць у іх вялікая. У сярэднім каштуе такі домік 500 000 у выходны дзень.

Кошт лыжаў і астатняга рыштунку амаль такі самы, хаця розніца ў трыча¬тыры тысячы на карысць Лагойска ёсць.

Закапанае

Калі паглядзець на кошт гарналыжных курортаў Польшчы, высвятляецца, што з’ездзіць на «лыжны» адпачынак у суседнюю краіну будзе ледзьве не танней, чым адпачыць у Беларусі.

Напрыклад, дзевяць дзён у Закапаным разам з экскурсіямі, гатэлем, трансферам і сняданкам каштуе каля 340 еўра. Па цане мала розніцца ад поўнага пансіёна ў Сілічах. Аднак за праезд цягніком да Варшавы прый¬дзецца даплаціць, дый усялякая драбяза кшталту пад’ёмніка будзе даражэйшай.

Арандаваць лыжы з усім камплектам неабходнага на дзень у Закапаным каштуе 5 еўра. А калі браць на некалькі дзён — атрымліваецца зніжка на 30 працэнтаў.

Бірштонас

У Літве на такім курорце, як Бірштонас, дзень у гатэлі (ад трох да чатырох зорак) абыходзіцца мінімум у 35 еўра, што танней, чым у Беларусі. У гэтай прапанове таксама ўключана амаль усё, акрамя ўласна лыжаў, пры гэтым арэнда таксама будзе ў межах тых жа пяці еўра, што і ў Сілічах.