Інцыдэнт у сталічнай кавярні “Неапаль”: Афіцыянтка ўпала ў шахту ліфта (фота)

Інцыдэнт у сталічнай кавярні “Неапаль” — афіцыянтка правалілася ў шахту грузавога ліфта. Здарэнне адбылося ўвечары 11 чэрвеня ў кавярні, размешчанай па вуліцы Бурдзейнага, 13. Афіцыянтка 1987 года нараджэння перавозіла сервіровачны вазок у банкетны зал і заходзіла спінай уперад у кабіну грузавога ліфта на першым паверсе будынка.

Дзверы ліфта адчыняюцца ўручную і не фіксуюцца. Перад тым, як увайсці ў іх, пацярпелая не праверыла, ці стаіць на месцы кабіна ліфта. Дзяўчына правалілася ў шахту з вышыні 4 метраў.

Выратавальнікі, якіх выклікалі на месца здарэння, дасталі пацярпелую з шахты і перадалі медыкам. У афіцыянткі шматлікія ўдары і пераломы, яна дастаўленая ў лякарню хуткай дапамогі ў цяжкім стане, перадае Мінскае гарадское ўпраўленне МНС.