У Маскве на пажары на складзе загінула 17 чалавек

17 чалавек загінулі на пажары на складзе ў Маскве. Здарэнне адбылося раніцай у суботу на паўночным усходзе расійскай сталіцы. Як паведамляе ria.ru са спасылкай на экстраныя службы, целы 16 чалавек знайшлі ў спальным памяшканні на чацвёртым паверсе будынка. Усе загінулыя — грамадзяне Кіргізіі, якія працавалі ў Маскве легальна. Яшчэ траіх пацярпелых даставілі ў лякарню, дзе пазней памерла адна жанчына.

Відавочцы адзначаюць, што перад пажарам у будынку ў прамысловай зоне і каля яго не адбывалася нічога падазронага — не было ніякіх плескачоў або шумоў.

Ахвяры здарэння знаходзіліся ў заблакаваным памяшканні. Каб дабрацца да іх, выратавальнікам давялося ламаць сцяны. Людзі задыхнуліся ад дыму ў сне.

Згарэлы ангар належыць адной з маскоўскіх друкарняў. Прычынай здарэння стала няспраўнасць асвятляльнага абсталявання.