Наведванне лясоў забаранілі амаль ва ўсіх раёнах Брэстчыны

Забарона на наведванне лясоў прынятая ў 12 раёнах Брэсцкай вобласці. Пра гэта БЕЛТА паведамілі ў Брэсцкім дзяржаўным вытворчым лесагаспадарчым аб’яднанні. Рашэнні закрыць лясы лясы райвыканкамы прынялі з-за працяглага засушлівага надвор’я. На сёння на тэрыторыі вобласці пераважае IV клас пажарнай небяспекі. Ён усталяваўся ў Баранавіцкім, Ляхавіцкім, Ганцавіцкім, Столінскім, Лунінецкім, Пінскім, Драгічынскім, Кобрынскім, Брэсцкім, Маларыцкім і Пружанскім раёнах. У лясах Івацэвіцкага раёна назіраецца найвышэйшы, пяты ўзровень. Яшчэ ў чатырох раёнах цяпер разглядаецца пытанне аб увядзенні забароны на паведванне лясоў.

Лясная ахова Брэсцкай вобласці перайшла на ўзмоцнены варыянт дзяжурства. Ужо ў бліжэйшы час сіноптыкі абяцаюць дажджы і тады ўзровень пажарнай небяспекі будзе паніжаны, а ў далейшым забарону здымуць. Спецыялісты рэкамендуюць жыхарам рэгіёну адпачываць у лесе толькі ў абсталяваных для гэтага месцах, на стаянках для турыстаў. Забараняецца ўязджаць на ўсе лясныя дарогі, за выключэннем шляхоў агульнага прызначэння, нельга таксама самавольна падымаць апушчаныя шлагбаумы на ўездах у лес. Парушальнікам пагражае штраф да 25 базавых велічынь.

З пачатку пажаранебяспечнага перыяду ў Брэсцкай вобласці адбылося 55 выпадкаў узгарання лясных масівах. Агонь пашкодзіў 106,5 га лесу, у тылі ліку 54,7 га ў балоцістай мясцовасці.