У Івацэвіцкім раёне вясковец уратаваў на пажары п’янага суседа

У Івацэвіцкім раёне вясцовец уратаваў на пажары п’янага суседа. Здарэнне адбылося позна ўвечары 21 кастрычніка ў вёсцы Святая Воля. Мясцовы жыхар 1953 года нараджэння напіўся спіртнога і заснуў. У гэты час пачаўся пажар.

Узгаранне своечасова заўважыў сусед. Ён патушыў пасцель, якая загарэлася і выклікаў хуткую. Пацярпелы дастаўлены ў рэанімацыю Івацэвіцкай раённай лякарні з атручэннем прадуктамі гарэння і алкагольнай інтаксікацыяй, але пры гэтым ён не абгарэў.

Прычына пажару высвятляецца. Падраздзяленні выратавальнікаў на месца здарэння не выклікалі, паведамляе Брэсцкае абласное ўпраўленне МНС.