Прэм’ер Польшчы трапіла ў дарожную аварыю

Урадавы картэж аўтамабіляў, у адным з якіх знаходзілася прэм'ер Польшчы Беата Шыдла, 10 лютага трапіў у ДТЗ. Як паведамляюць польскія СМІ са спасылкай на ўрадавую прэс-службу, Беата Шыдла не атрымала сур'ёзных траўмаў, але была дастаўлена ў лякарню. Здарэнне адбылося ў Асвенціме — машына прэм’ера абганяла Фіят, кіроўца якога ў пэўны момант збочыў улева і не даў дарогі ўрадаваму лімузіну. У выніку адбылося сутыкненне.

Па словах прэс-сакратара ваяводскага ўпраўлення паліцыі ў Кракаве інспектара Себасціана Гленя, паранены як мінімум яшчэ адзін чалавек.