Уначы 18 траўня на ўсходзе Беларусі прагназуюцца замаразкі

Уначы 18 траўня на ўсходзе Беларусі прагназуюцца замаразкі (на большай частцы тэрыторыі на глебе, у некаторых раёнах — у паветры) ад 0 да -2 градусаў. Па краіне ў начныя гадзіны тэмпература паветра складзе ад +1 да +7 градусаў, на паўночным захадзе — ад +8 да +10. Аднак у дзённыя гадзіны паветра прагрэецца да 21-24 градусаў са знакам плюс (найбольш цёпла будзе на захадзе Брэсцкай і Гродзенскай абласцей).

У чацвер будзе пераважна без ападкаў. Вецер чакаецца няўстойлівы, 3-8 метраў за секунду, інфармуе БЕЛТА са спасылкай на беларускіх сіноптыкаў.